تهوى «سارة» فن الكروشيه، تقضى الساعات فى تشكيل الخيوط الملونة ومزجها، سعادتها تكتمل عندما ترى إنتاجها أمام عينيها، حصلت على فرصة لتؤسس مشروعها الأول، فلم تفكر الفتاة العشرينية فى مشروعات تخص دراستها، ولكنها اتجهت فورًا للكروشيه، «فلورشيت» مشروع لبيع ورود لا تذبل مصنوعة يدويًا من الكروشيه.
سارة خلوصى خريجة برمجة حاسب آلي، حبها للكروشيه دفعها لتأسيس مشروعها، «لما اتطلب منى فى مسابقة فى الجامعة اختار فكرة مشروع صممت أنى أعمل حاجة فيها كروشيه، ولأن الناس معتادة على المفارش وخلافه، فكان لازم أعمل حاجة مختلفة ففكرت فى الورد» تقول سارة التى تستعين بسيدات من المناطق العشوائية لمساعدتها فى تنفيذ الطلبات وتسعى إلى تعليمهن حرفة توفر دخلا ثابتا لهن ولأسرهن، «فيه ست من منطقة بسيطة بتعمل كروشيه من زمان بتساعدني، وأنا علمت بنت الست اللى بتساعدنا فى نضافة البيت، وهى علمت صاحبتها بالإضافة لـ٢ أصحابى وبنشتغل سوا، ونفسى أعلم ستات كتير يكون ليهم شغل بيدخلهم دخل يصرف على بيوتهم» تتحدث سارة.
أكثر من عام مر على بيع أول وردة «فلورشيت»، ليتم بيع كثير من الورود بعد ذلك، «من فضلك عايز وردة بيضا» رسالة اعتادت عليها سارة خاصة فى المناسبات الاجتماعية، تقول سارة: «فى عيد الحب وعيد الأم بنبيع كتير، بس مش كل الناس لسه فاهمة معنى الكروشيه والفرق بينه وبين التطريز العادي، بس أنا عندى حلم أن الورد ده ينتشر ويبقى عندى محل بعد ٥ سنين زى محلات الورود بأشكال وألوان مختلفة»، أوراق لا تذبل وألوان لا تبهت، وورود تدوم مدى الحياة، تشجع الزبائن على شراء «فلورشيت».
سارة خلوصى خريجة برمجة حاسب آلي، حبها للكروشيه دفعها لتأسيس مشروعها، «لما اتطلب منى فى مسابقة فى الجامعة اختار فكرة مشروع صممت أنى أعمل حاجة فيها كروشيه، ولأن الناس معتادة على المفارش وخلافه، فكان لازم أعمل حاجة مختلفة ففكرت فى الورد» تقول سارة التى تستعين بسيدات من المناطق العشوائية لمساعدتها فى تنفيذ الطلبات وتسعى إلى تعليمهن حرفة توفر دخلا ثابتا لهن ولأسرهن، «فيه ست من منطقة بسيطة بتعمل كروشيه من زمان بتساعدني، وأنا علمت بنت الست اللى بتساعدنا فى نضافة البيت، وهى علمت صاحبتها بالإضافة لـ٢ أصحابى وبنشتغل سوا، ونفسى أعلم ستات كتير يكون ليهم شغل بيدخلهم دخل يصرف على بيوتهم» تتحدث سارة.
أكثر من عام مر على بيع أول وردة «فلورشيت»، ليتم بيع كثير من الورود بعد ذلك، «من فضلك عايز وردة بيضا» رسالة اعتادت عليها سارة خاصة فى المناسبات الاجتماعية، تقول سارة: «فى عيد الحب وعيد الأم بنبيع كتير، بس مش كل الناس لسه فاهمة معنى الكروشيه والفرق بينه وبين التطريز العادي، بس أنا عندى حلم أن الورد ده ينتشر ويبقى عندى محل بعد ٥ سنين زى محلات الورود بأشكال وألوان مختلفة»، أوراق لا تذبل وألوان لا تبهت، وورود تدوم مدى الحياة، تشجع الزبائن على شراء «فلورشيت».
