1. ابتسم وانت بتكلم العميل حتى لو مش طايقه.
2.مهما عملت مسئول الكوالتى بيشوف حاجة انت مش شايفها!
3.لو بتحور على عميل في معلومة متجودش خاصة لو عميل فاهم.
4.فين ابتسامتك مع العميل !
5.مديرك ﻻزم يحسسك أنه بيعمل كل حاجة في الدنيا
6.العمﻻء(الستات) بيقفشوا على البنات لكن لو ولد بيتهندلوا خاصة لو ولد نحنوح والعكس.
7.لو عاوزة تحولى كول لزميلك قوليله العميلة صوتها حلو.
8.مديرتك لو ست متجوزة هتنكد على التيم بعد كل خناقة مع جوزها ولو مش متجوزة برضه هتنكد على التيم لحد ماتتجوز خاصة البنات.
9.الاجازة اصﻻ حرام.
10.انت الشخص إلى بيحاسب على (مشاريب)كل الادارات.
11.كل الادارات بتشوفك مالكش ﻻزمة
12.لو عميل عاوز يتحول بمديرك متنساش تقوله اانه في ميتينج.
13. هتﻻقى دايما زميل لك عارف انت حققت قد أي من التارجت اكتر منك.
14.هتﻻقى جمبك شخص بيسب في العمﻻء طول ماهو قاعد.
15.ها لسه مبتسم مع العميل !!
16.الفرحة من القلب بجد هتشوفها لما اللاين يقع
17.لما عميل يكون متنرفز اعرف انك لو قلتله انابعتذر هيتنرفز اكتر
18.خليك هادى وبارد مع العميل المتعصب لحد مايتعصب زياده ويتحول بمديرك.
19.متنساش تقول للعميل أن إدارة الشكاوى حاولت تكلمه لكن موبايله كان غير متاح.
20.الشكوى لغير الله مذله.
21.السيرفس ليفيل100 جملة هتشوفها في احﻻمك
22.السماعه جزء ﻻيتجزء من شخصيتك
23. لما زميلك إلى جمبك تﻻقى صوته واطى اعرف أن العميل مبهدله على الاخر
24.حب العميل عشان العميل يحبك
25.اكتر مكالمة عكيت فيها هي إلى هتتسمع لك
26.العميل الفصيل هو إلى بيكلمك وانت طالع بريك ويرغى نص ساعه.
27.اوعى تنسى انك الوجهه (الايمدج) للشركة.
28.دايما هتﻻقيك بتحقد على بتوع المبيعات عشان (الانسنتف)
29.لماعميل يكلمك ويقعد يشكر في الشركة هتعرف في نهاية الكول أن الرقم غلط.
30.لسه مبتسم مع العميل !!
