دايما صحباتي البنات بيكونوا متوترات يوم فرحهم خاصة في اللحظات الأخيرة اللي قبل الزفة، وطريقتي الوحيدة لتهوين قلقهم وخوفهم إني أقولهم على فكرة الدنيا مليانة حاجات أصعب من شكلك في الفستان وحجم البوفيه وانبساط المعازيم وهل النور هيقطع في الفرح ولا لأ.......
تخيلي لو واحد جالك النهاردة قالك إنه عاش عمره كله بيحبك ومكسوف يقولك ولما اتخطبتي فضل مستني على أمل الخطوبة تتفسخ ولما عرف إن النهاردة فرحك قرر تبقى آخر حاجة يعملها قبل ما ينتحر هي إنه يجي يعترف بحبه ليكي ويخلي آخر يوم في عمره يوم فرحك، تخيلي لو عمل كدة في المايك بتاع الدي جي وضرب نفسه بالنار قدام الناس كلها....
مش بذمتك يبقى ضرب قصة حياتك مفك لا يمكن التخلص منه بسهولة؟!
ما تخافيش من حاجة هذه الحياة مليانة مأساويات أكتر بكتير من مخاوفك البسيطة يوم فرحك، الفكرة إني مش عارف ليه بعد الكلمتين دول بيعيطوا !!.
