الأدب بصور فنونه المتنوعة يحاول أسر التجارب الإنسانية المنفتحة واللامتناهية لثراء التجربة البشرية، ولا شك أن الشعر أحد هذه الفنون التي تحاول التحليق في فضاء الخيال، وربما هو الوسيلة الأكثر فاعلية في التعبير عن الأحلام والانفعالات والهواجس في وعي الإنسان وفي اللاوعي أيضا، وتتنوع روافد القصيدة من حيث الموضوع والشكل ليستمر العطاء الفني متجددا ودائما كما النهر..
تنشر "البوابة نيوز" عددا من القصائد الشعرية لمجموعة من الشعراء يوميا.
واليوم ننشر قصيدة بعنوان "يا أم الشهيد" للشاعر أحمد عوض.
يا أم الشهيد
يا أم الشهيد
يا أم الوقود
يا أم الورد
يا أم خلفة السعد والجود
طرزى فستانك لأسود بلون النور
اسقى دمعك وحزنك ألف هنا وسرو
اللى قالك شوفته مات
شهد شهادة زور
والله إحنا اللى عايشين أموات
صحيح موته وجعنا
بس مهما اخترعنا
مهما صنعنا
مهما اجتمعنا
من غير الشهيد نبقى ضعنا
قولى يا أم الشهيد الله
صفا وانتباه
هو مات وإدانا إحنا الحياة
إدنا النجاة
رفعنا بموته الجباة
لولاه
كنا في ذل وانكسار
كت عيشتنا في المرار
كت هدمنا علينا عار
وسقف بتنا مهدوم ع الجدار
ماكانتش حلتك حاتلقى نار
ماكنش حايطلع منها
شوربه أو خضار
دلوقتى عايشين في الهزار
نضحك ونلعب وتسالى الفشار
كل هذا بفضل ابنك
بفضل رجل واخد قرار
إن بلده تفضل في ازدهار
يا مرات الشهيد
أنا عارف إن حضنك
اللى كان دافى.. برد
وان املك اللى كان
وافى.. جمد
وإن الضحك اللى كان
صافى.. همد
وإن حيلك كمان اتهد
وإن اتنبى قدام عنيكى سد
والله أبدا ياحببتى
هو كان جواز السعد
يابختك ياحظك ياللى
حضنتى الورد
جوازك عند اللاه
بيغنى
جوزك سعيد جدا ومتهنى
ومستنى
يوم رضاكى
ياهناكى
لم يكمل بيه لقاكى
في الجنان
هى دى حياة الإيمان
اصمدى إجمدى اثبتى في الميدان
هو ده صحيح الرهان
هى الدنيا إيه غير طعم اللبان
هو إمتى بيثبت ع الحيطة الدهان
سيبك م الدنيا ديا والزمان
اصمدى وافردى املك
يوم لقفاه
يا بن الشهيد
الكون لبوك حميد
وأنت الشديد
يا بنت الوريد
أبوكى كان مجيد
والله أبوكو ماسابكو
يوم ماجابكو
أبوكو يوم وفاته
ساب فيكم جناته
إداكو المدد من حياته
انفش ريشك علينا
قول للدنيا خلاص إحنا جينا
أنت أبوك اللى كان حامينا
أنت اللى تقوى بيك إيدينا
أنت خطوة نضال جهادك
اتبغدد عيش حياتك
اتمدد عيد ميلادك
أنت العزة من بلادك
أنتوا الكبار
وإحنا الصغير من ولادك.
