شن رئيس نادي الزمالك، هجومًا حادًا على الإعلامي مدحت شلبى، لرفضه إعطاءه الفرصة للرد على وجيه أحمد، رئيس لجنة الحكام، في برنامجه، على خلفية قرار غرفة صناعة الإعلام بعدم ظهوره على القنوات التابعة للغرفة.
وقال خلال اتصال هاتفى ببرنامج "ستاد معروف" المذاع عبر فضائية "العاصمة"، أمس الأحد: "مش هتشتم لاعب في الزمالك تانى يا مدحت يا شلبى إنت ولا الشركة الراعية بتاعتك، لا إنت ولا سيف زاهر، وإوعى تنسى مين اللى شغلك في (إم بى سى مصر)".
وأضاف: "أنا اللي شغلتك بعد ما كنت قاعد في البيت، مش إنت ماشى ورا محمد الأمين، خليك ماشى وراه، إبقوا روحوا إلعبوا في الحارة اللى وراكم"، متابعًا: لما رئيس الزمالك يقولك عايز أعمل مداخلة أرد على أكاذيب وجيه، يبقا لازم يعمل مداخلة".
