كتب الشاعر مدحت العدل قصيدة جديدة بعنوان "نمرة ع التليفون" ينعى بها أخاه الفنان الراحل سامى العدل.
ونشر "العدل"، القصيدة على صفحته الشخصية على موقع التواصل الاجتماعى "فيس بوك"، وجاءت كلمات القصيدة كالتالي:
نمرة ع التليفون صاحبها مش موجود
هو ف لحظة اختفى وهي ليها وجود
كل ما أقول أمسحها إيديا تخذلني
مكتوبلنا نفترق وبينا خيط مشدود
...
علمني أكون طيب مهما الصحاب خانوا
وكل شىء هين والشرفا بيبانوا
وهو كان السهل ف صعوبة الدنيا
وكان كمان الحياة والكون وألوانه
...
الصوت اللي كان عالي أجش خلاص
ساكت كما الحزن النبيل للناس
والرهبة مالية المكان بالموت
إحساس مايتوصفش يا غربة الإحساس
...
وكان شريك الألم و الشوق و أحلامي
وهو اللي مد إيديه ف فجر أيامي
سابنا لمين الخال وعمدة الجدعان
النأب كان العدل والمبتدأ سامي.
