تخيلوا كدة لو زويل بسبب التنسيق التحق بكلية الحقوق واتخرج بعد 4 سنين موظف في الشئون القانونية في هيئة ما، أو مثلا الدكتور مجدي يعقوب بسبب التنسيق برضه التحق بكلية الصيدلة جامعة السويس ليتخرج بعدها صيدلي فترة مسائية في صيدلية ما.
كل دا طبعا وارد إنه يحصل في النظام التعليمي الجهنمي المصري، في البداية تحلم تكون دكتور أو مهندس (الجرأة حلوة مافيش كلام) بس انت لسه أخضر يا ما راح قبل منك كتيير كانوا عاملين فيها (عشر دكاترة) وفي النهاية التنسيق هو اللي عارف مصلحتك كويس !!
في الليفل الأول، هتقابلك الابتدائية، ودي مرحلة سهلة جدا مافيهاش رعب، يعني هتعدي لوحدها، إنت بس ركز في الساندوتشات، وتقريبًا ده المستوى الوحيد اللي هيكون معاك وسائل مساعدة.
في الليفل التاني اللعبة هترخم شوية، يعني مافيش ساندوتشات ( وسائل مساعدة )، إنت كبرت خلاص وشنبك مرسوم على وشك، اسم النبي حارسك وصاينك، هتبدأ تكبر وتساعد نفسك وتحاول توصل للمرحلة اللي بعدها لوحدك.
في الليفل التالت، وهو أصعب ليفل هتقابل الوحش يا معلم "الثانوية العامة" مافيهاش هزار، لازم تصحصح كدة علشان دي أهم مرحلة في اللعبة كلها، ما تقلقش رغم إن شنبك بقى على وشك رسمي وبقيت راجل يعتمد عليه وبتشتغل في الأجازة علشان تشتري موبايل أندرويد، لكن هيكون معاك وسائل مساعدة كتيرة، الكل هيدعمك علشان تهزم الوحش، إجمد كدة يا بطل وبلاش حكاية (أروح أذاكر مع صاحبي) علشان قدمت أوى واتهرست في 50 فيلم قبل كدة.
في الليفل الأخير وده أجمل ليفل؛ لأنك هتكون براحتك تروح الجامعة أو ماتروحش مش مشكلة، تذاكر أو ماتذكرش مش موضوعنا، الملازم هتنفعك جدّا لأنك ماتعرفش غيرها، طبعًا هيتوسط المرحلة دي علاقة عاطفية، ودي حاجة مقدسة في الجامعة، والأغلب إنك مش هتستمر فيها بعد الجامعة، ومن غير ما أعرف إنت دخلت كلية إيه، أكيد تجارة أو حقوق مافيش اختيارات تانية، وهتطلع في النهاية يا إما بتبيع كروت شحن في المترو كارت العشرة بعشرة، يا إما ربنا كرمك كدة ولاقيت شغل واشتغلت كاشير............... لعبة رخمة مش كدة !!!
كل دا طبعا وارد إنه يحصل في النظام التعليمي الجهنمي المصري، في البداية تحلم تكون دكتور أو مهندس (الجرأة حلوة مافيش كلام) بس انت لسه أخضر يا ما راح قبل منك كتيير كانوا عاملين فيها (عشر دكاترة) وفي النهاية التنسيق هو اللي عارف مصلحتك كويس !!
في الليفل الأول، هتقابلك الابتدائية، ودي مرحلة سهلة جدا مافيهاش رعب، يعني هتعدي لوحدها، إنت بس ركز في الساندوتشات، وتقريبًا ده المستوى الوحيد اللي هيكون معاك وسائل مساعدة.
في الليفل التاني اللعبة هترخم شوية، يعني مافيش ساندوتشات ( وسائل مساعدة )، إنت كبرت خلاص وشنبك مرسوم على وشك، اسم النبي حارسك وصاينك، هتبدأ تكبر وتساعد نفسك وتحاول توصل للمرحلة اللي بعدها لوحدك.
في الليفل التالت، وهو أصعب ليفل هتقابل الوحش يا معلم "الثانوية العامة" مافيهاش هزار، لازم تصحصح كدة علشان دي أهم مرحلة في اللعبة كلها، ما تقلقش رغم إن شنبك بقى على وشك رسمي وبقيت راجل يعتمد عليه وبتشتغل في الأجازة علشان تشتري موبايل أندرويد، لكن هيكون معاك وسائل مساعدة كتيرة، الكل هيدعمك علشان تهزم الوحش، إجمد كدة يا بطل وبلاش حكاية (أروح أذاكر مع صاحبي) علشان قدمت أوى واتهرست في 50 فيلم قبل كدة.
في الليفل الأخير وده أجمل ليفل؛ لأنك هتكون براحتك تروح الجامعة أو ماتروحش مش مشكلة، تذاكر أو ماتذكرش مش موضوعنا، الملازم هتنفعك جدّا لأنك ماتعرفش غيرها، طبعًا هيتوسط المرحلة دي علاقة عاطفية، ودي حاجة مقدسة في الجامعة، والأغلب إنك مش هتستمر فيها بعد الجامعة، ومن غير ما أعرف إنت دخلت كلية إيه، أكيد تجارة أو حقوق مافيش اختيارات تانية، وهتطلع في النهاية يا إما بتبيع كروت شحن في المترو كارت العشرة بعشرة، يا إما ربنا كرمك كدة ولاقيت شغل واشتغلت كاشير............... لعبة رخمة مش كدة !!!
