استنكر الفنان محمد صبحى الأجور المرتفعة التى يتقاضاها الفنانين فى السنوات الأخيرة، نظير أعمالهم الفنية فى الدراما والسينما.
وأضاف فى جانب من حواره لـ "البوابة نيوز": "أرى أنه لو وصل السقف إلى 10 ملايين جنيه فهو رقم كبير، وأدعو أن يكون السقف فى الأجور 5 ملايين جنيه ولا يتعدى هذا الرقم لأى فنان مهما كانت درجة عبقريته، لأنه لا يمكن أن يتصور أن يكون المدرس يتقاضى 3000 جنيه شهريا كحد أقصى، أى أنه فى السنه 36 ألف جنيه وفى مسلسل واحد يتقاضى فنان 50 مليون جنيه".
وتابع "مش كده بس عايز كمان يبقى مهما كان الممثل وعبقريته ميعملش غير عمل واحد فى السنه عشان غيره يشتغل ويلاقى فرص، من الناس اللى قاعده فى البيت، وكمان البلد بتمر بظروف صعبه، انت عارف لو رد عليا حد وقالى ال 5 مليون دى بسبب الظروف بقيمة مليون، هرد وأقوله وماله المليون فى السنة ماهو كتير بره ده يعادل 80 ألف جنيه فى الشهر".
وإختتم صبحى:"علينا وضع ميثاق شرف للمهنة والتمسك بالقيم والمبادئ، ولابد أن يتم التوحد على الصالح العام وما يفيد الجمهور والمواطن".
