كشف الشقيقات الثلاث مي سليم، ودانا وميس حمدان، عن سبب عدم ارتباطهما حتى الآن.
من جانبها، قالت الفنانة دانا حمدان إنها من الصعب أن تحب وذلك مقارنة بشقيقتها ميس حمدان، قائلة: "محبتش، والناس بتسألني ليه مش بحب؟ وإجابتي إني مش بحب ولا حبيت فأنا إنسانة برجي الميزان الذي يحكم مواليده أكثر من العواطف".
تابعت خلال حوارها مع لميس الحديدى في برنامج "كلمة أخيرة"، على قناة "ON" في أخر حلقات البرنامج قبل رأس السنة 2023 مفيش شخص قابلته وصلني لمرحلة الحب ممكن يبقى فيه تعود وانبساط وكيميا، لكنها كل حتة بتبقى لوحدها لكن لم أقابل من يوصلني لحالة أن أقول له بحبك".
التقطت أطراف الحديث الفنانة ميس حمدان، قائلة: "زي اي بنت حبيت ولبست في الحيط وحبيت مرتين لكني مؤمنة أن ده الشيء الوحيد الي مالوش تخطيط وممكن الي حبتهم قبل كده ورجعوا دلوقتي مايبقوش ماشيين مع متطلباتي لكن زي اي بنت مريت بتجارب حلوة ووحشة".
ردًا على سؤال الإعلامية الحديدي، هل أثرت عليهم تجربتي مي سليم أجابت كل من دانا وميس قائلتين: "مش في دماغنا نسيناهم".
وعقبت مي سليم قائلة: "كل واحدة فينا دماغها صعبة ودماغنا عنيدة وبشكلها وبطباعها وامي تعبت معانا في حكاية " الزن " على الزواج وإحنا كنا أربعة وأختي داليا تزوجت في دبي لكن أمي تعبت معانا وفي الاخر رمت طوبتنا وقالت في الاخر التلاتة دول يخناروا بمزاجهم زهقت".
وواصلت : "التجربتين السابقتين مش ماثرين عليا ومش قافلة الباب بالعكس عاوزة أتجوز وأخلف تاني وليلي دلوقتي عندها عندها 11 سنة ونفسي يبقى عندي ولد"، لكنها أكدت أنها تعلمت من التجربتين أنها لابد أن تكون متأكدة في خطوات إرتباطها القادمة أن العلاقة بها إستمرارية وأنه لايوجد نسبة 1% نسبة أنها تفشل قائلة: "لازم أكون متأكدة أن العلاقة الجاية مايبقاش فيها نسبة 1% أنها مش هتكمل".
