كشف الفنان تامر فرج منذ قليل، عن حقيقة الأنباء المتداولة حول تعرضه لحادث سير مروع، وذلك من خلال تدوينة قام بنشرها عبر حسابه الشخصي على موقع التواصل الاجتماعي فيس بوك.
حيث قال:"فوجئت بتليفونات كتير وأنا قاعد على الكنبة قدام التلفزيون من أصدقاء بيتطمنوا عليا عشان المفروض أنا عملت حادثة مروعة وعربيتى اتدشدشت زى ما انتوا شايفين فى الصورة والخبر".
وأضاف " فطبعا أنا بصدق السوشيال ميديا فنزلت جرى اتطمن على عربيتى المركونة قدام البيت أول حاجة، وبعد ما لقيتها بخير دخلت تانى اتطمن بعد كده على نفسى وسألت المدام قالتلى إن أنا بخير، فبقيت مش عارف أصدق مراتى ولا أصدق السوشيال ميديا؟".
وتابع " أرجو تحرى الدقة، الموضوع ببساطة إن طريق الواحات كان زحمة قدام الكومباوند بتاعى وأنا داخل من البوابة سيارة أخرى حكت بسيارتى من الخلف، و الطبيعى نزلنا اتخانقنا شويه ثم كإجراء طبيعى عملنا محضر وانتهى بالتصالح".
وأردف " و كان معدى بالصدفة دكتور العلاج الطبيعى صديقى دكتور أمجد هزاع، وقف يحوش، أصبح هو الطبيب الشهير اللى أنا بتخانق معاه كما يدعى الخبر.. لا مؤاخذة يا دكتور أدى عيب اللى يصاحب فنانين ".
