قالت الفنانة عفاف شعيب أنا لا أهتم بالسوشيال ميديا لأنها معظمها أخبار كاذبة وشائعات وموتوا الراحل هشام سليم أكثر من مرة قبل وفاته وأحمد بدير وخالد زكي ربنا يديهم الصحة.
وأضافت خلال حلولها ضيفة ببرنامج واحد من الناس أنه تم عمل سحر لها أكثر من مرة، وأنا عارفة مين لكنى مش عاوزة أقول عنها، وللأسف واحدة من الزملاء فى الوسط الفنى وأيضا من خارج الوسط الفنى، وكان الشيخ الشعراوى دايما يقول لى خلى لسانك دايما رطب بذكر الله، وأنا لى ورد يومى من القرآن والذكر، وأنا عندى ملكة من عند ربنا بحس بأى حد عامل لى أعمال أو حسد.
وعن تريند الملابس الألمانية قالت تعلمت شراء الملابس البراند من والدتها، وسنة ٨٩ اشتريت من محل لبس كتير بـ 5 آلاف جنيه لمسلسل كنت هعمله، وراحت الشغالة غسلته من ورايا، فطلع من الغسالة كله مقطع فوالدتى قالت لى نصيحة اشترى الغالى تمنه فيه، وكان فيه محل من زمان صاحبه اسمه عم جمال كان بيجيب لبس من ألمانيا وكنت بشترى من عنده أغلى شوية بس بيعيش وأنا بحب اللبس الألمانى لأنه بيبقى مظبوط على الجسم.
