دعمت الفنانة هيفاء وهبي، الفنانة يسرا اللوزي بعد ان واجهت الأخيرة حملة تنمر على صفحات السوشيال ميديا بسبب مرض ابنتها بضعف السمع.
وعبرت هيفاء عن استيائها من التعليقات التي كتبت ليسرا اللوزي وبها تنمر وإشارة إلى مرض ابنتها.
وقالت هيفاء خلال تصريحات تليفزيونية: الإنسان اللي عنده مشكلة في حياته أحسن من 100 شخص بيتنمر، ممكن البنت لما تكبر تبقى أذكى وأحسن من كل العالم، المهم أن لا تتأثر لا البنت ولا والدتها بما يكتب.
وأضافت هيفاء وهبي: يسرا اللوزي أنا بحبها وربنا يخليلها بنتها، المهم متتأثرش والحمد لله أن البنت ليها أم قوية بتواجه مجتمع مريض، لكن في نفس الوقت في أشخاص واقفين جنبها وبيدعموها، أحنا مش لازم نستسلم للمتنمرين، والمتنمر اللي بيسخر من طفلة دي خلقة ربنا.
وطالبت هيفاء بعمل ضوابط على السوشيال ميديا قائلة:" لابد من قوانين للسوشيال ميديا ولما نفتح حساب جديد نكتب رقم البطاقة علشان لما حد يتنمر نقدر نوصله، لكن لما بيكون اسم الحساب أبو نونة وأم سوسو مش هنعرف مين بيكتب إيه.
