قال الفنان إسلام إبراهيم، إن نقطة البداية لما جيت من "دمياط للقاهرة" وبدأت أدرس في مركز الإبداع الفني مع خالد جلال، والموهبة هي اللي كانت بتحركني طول الوقت، دي ضهري وسندي في المجال، جاء ذلك خلال حواره لبرنامج ع اللوكيشن مع شريف الليثي علي راديو هيتس.
و أضاف “بنزيني في رحلتي هو إني باصص علي هدفي طول الوقت وبشتغل على نفسي وعندي أمل إن في حاجة حلوة هتحصل، واتعلمت من خالد جلال حاجات كتير جدًا”.
و أضاف، طارق الجنايني منتج برنامج " SNL “ شاف عرض " بعد الليل " بعدها خدني البرنامج، والبرنامج هو اللي عرّف الناس مين هو " إسلام إبراهيم " .
وتابع، “لو الطريق مقفول بدعي ربنا وبعمل حاجة تبسطني علشان أكون قوي، وأنا مؤمن بإنك علشان توصل للحاجة الأحسن لازم تكون راضي باللي عندك”.
وعن أول عمل درامي ليا وعلم مع الناس كان مسلسل " ريّح المدام"، و تاني نقلة في حياتي كان دور "تيسير" في مسلسل "طلعت روحي"، أما مسلسل " ١٠٠ وش " كان نقلة في حياتي و بسببه عملت مسلسل " نجيب زاهي زركش " مع الفنان القدير يحيي الفخراني، وبعمل مسلسل اسمه " مالوش رجلين " مع مريم ابوعوف"، ومسلسل " راجعين يا هوي " أعتقد انه هيبقي نقلة بالنسبة ليا.
واختتم قائلا "طول ما أنت ناجح هتلاقي ناس كتير تضايقك وهتلاقي مشاكل وضغط عصبي فظيع، و لما بلاقي هجوم بعرف إني ماشي صح ، أما الحاجات اللي ممكن تعطلني في الطريق إن حد من أهلي يبقي تعبان .
