سعيد عبد الحميد رجل خمسيني، يعمل عامل نظافة في الأساس، ولكنه يعمل عامل بوفيه في شغل آخر حتى يستطيع أن يحقق الحد الأدنى من مقومات الحياة إلى أسرته.
يقول: «عايشين عيشة غير آدمية.. أسرتى بالكامل بتعاني من المرض.. أنا عندى ورم حميد فى عينى مالوش علاج اسمه الذبابة الطائرة».
ويتابع سعيد، إن أسرته تعاني الأمرَّين ويعيشون حياة مأساوية: «أنا كل حلمى فى الحياة إن إحنا نعيش، أسرة بالكامل محرومة من نعمة التعليم، وأطفالى بيعانوا من المرض، وبقالى ١٠ سنين مشكلتى بتتداول للرأي العام».
وأضاف: «مشكلتى الأساسية أن عايز نعيش ويبقى عندنا مأوى؛ لأن أنا وأسرتى من المشردين فى الأرض بدون مأوى مستقر».
وتابع: «مفيش حد بيستجيب لمشكلتى، لما بخاطب حد بقوله باسم الإنسانية وباسم كل الأديان السماوية التى تدعو الى المحبة لكل البشر.. أنا مكملتش تعليمى بسبب إن برضو المعيشة كانت صعبة».
وقال الحياة المأساوية التي يعيشها الراجل لم تقتصر عليه فقط ولكنها وصلت لأولاده أيضا: «عندي خمس اولاد .. معايا ابنى 17 سنة بيعانى من مرض الكلى و عنده شرخ فى ركبته و معايا ابنى التانى عنده 13 سنة و مصاب بنسبة توحد وروماتيزم على القلب وعنده قطع فى عصب ايديه و عندى طفل عنده 11 سنة و بيعانى من ضربات القلب السريعة و مش متزن وابني الآخر مصاب بالفتق الإربى و لولا رجل أعمال ساعدنا وعمل عملية».
وتابع: «أنا بستغيث بالرئيس عبد الفتاح السيسي، متطلباتى أن يتوفرلى سكن قبل ما بيتى يوقع.. سقف المطبخ والصالة وقعوا بطالب بحقى فى الحياة، وبطالب بفرصة عمل ليا أنا وابنى، ربنا وحده اللى يعلم بناكل وبنلبس منين».
