قال حمادة حليمة، المصري الذي يعيش في مدينة أوشجراد على حدود سلوفاكيا والمجر: "إحنا هنا من أول الحرب.. الحمد لله بنساعد الناس، وبنروح أي حد في أي مكان بنجيبه، وبنساعده.. ومفيش إلا عدد قليل دلوقتي هنا.. وعلي فاروق وشريف رضوان، والجالية المصرية لسه موجودة وبتساعد الناس ومش متأخرة عن الناس وأي حد بيتصل بيهم في أي مكان تحت الضرب بيحاولوا بقدر الإمكان يطلعوه وبيطلعوا الناس".
وتابع في تصريحات لـ "البوابة نيوز": "والحمد لله ناس كتير طلعت من خاركوف، وبيساعدوا الناس كلها، وأنا موجود هنا في مدينة أوشجوراد على حدود سلوفاكيا المجر، أي حد محتاج أي مساعدة يتنقل من مكان يروح مكان أو أهله عالقين في الطريق أنا موجود هنا في أي وقت اتصلوا بيا.. وأنا في أي وقت هتحرك وأقابلهم وآخدهم وأعديهم الحدود بإذن الله، وأوصلهم لأقرب نقطة حدود، يا رب كل الناس تطلع من أوكرانيا على خير وإحنا لسه قاعدين ومش هنتحرك من أوكرانيا إلا لما نعرف إن كل المصريين خرجوا من أوكرانيا، وأي حد لسه في أوكرانيا طالب أو مقيم يتواصل معايا إن شاء الله هنساعده وإحنا لسه موجودين".
