طالبت الفنانة نشوى مصطفى جمهورها بنشر الحب، وإعلاء القيم والمبادئ التي طالما تمتع بها المصريين.
وقالت "نشوى" عبر حسابها على موقع التواصل الاجتماعي "فيس بوك":" اللي جاي صعب لو ماابتديناش من دلوقتى السلوك الفردى الهمجى بالوقت حيتحول لظاهرة وسلوك عام، القبح حينتشر اكتر واكتر والبلطجة حتزيد وكل ماهو لا اخلاقى حيعم، المجتمع ملامحه بتتشوه، دى مش ملامحنا، سمات شخصيتنا بتضيع، النخوة والشهامة والرجولة والجدعنة والحياء والاحترام بقت صفات شبه مش موجودة".
وتابعت "نشوى مصطفى":"اللى جاي مخيف ومرعب، وحيطول الكل، محتاجين اصلاح مجتمعى وده لازم كلنا نساعد بعض فيه، نكون تيار جماعى، البيت والاعلام والفن والدين كله يشتغل مع بعضه علشان ننقذ السفينة قبل ماتغرق بينا، انشروا الحب فالقبح ينتشر والفزع قادم للجميع لو ماابتديناش، اللهم الغوث والمدد، اللهم انظر الينا بوجهك الكريم نظرة تنير القلوب وتزيل مافى الارواح من رهق".
يذكر أن نشوى مصطفى تنازلت مؤخرا عن قضيتها ضد المتحرشين بابنتها وقالت عبر "فيس بوك": "ربنا يهديهم، واللي طلبتوا من أهاليهم وهما بيعتذروا لبنتي أنهم يربوا عيالهم ويفهموهم معنى الرجولة، وإن أقل عقوبة للمتحرش باللفظ أو الإشارات الخادشة للحياة هي خمس سنوات طبقًا لقانون التحرش اللي أمر بتعديله سيادة الرئيس حفاظًا على حق بناتنا".
