سجلت محطات الشبكة القومية للزلازل هزة أرضية بقوة 6.2 ريختر، صباح اليوم، والتي شعر بها سكان عدة مناطق في نطاق القاهرة الكبرى، ووقعت الهزة شرق جزيرة كريت اليونانية، على بعد 390 كم شمالي محافظة الإسكندرية.
وقال الدكتور جاد القاضي، رئيس المعهد القومي للبحوث الفلكية، إن الزلزال كان بقوة أعلى من 6 درجات على مقياس ريختر، مشيرًا إلى أنه يتم تسجيل عدد من الزلازل في نفس المنطقة التي وقع فيها الزلازل اليوم ومعظمهم صغير أو متوسط القوة وبالتالي لا يشعر به أحد في الجمهورية، مؤكدًا: "يتم رصد جميع الزلازل أيا كانت قوتها، ولكننا مازلنا خارج حزام الزلازل".
وتداول عدد من نشطاء موقع التواصل الاجتماعي "فيس بوك" عدد من التعليقات الساخرة عقب شعورهم بالزلزال، حيث قالت إحدى المدونات: " والنبي ياخويا كنت قاعده بسكت بنتي من العياط وفجأءه حصل الزلزال بقيت اعيط انا وهي".
وأضاف آخر: "واضح كده أن الناس حست بالزلزال وأنا اللي كنت نايم".
وأضافت أخرى: "هو ليه منقولش أن الزلازل اللي حصل دا سببه مهرجان الجونة واللي بنشوفه فيه".
وقال آخر: "جماعة متحسسونيش اني عايش ف بلد تانية زلزال ايه ده اللي بتقوله عليه".
وأضافت أخرى: " محستش بحاجه كنت برزع باب الشقه ورا عيالي علشان بيتخانقوا مع بعض واكيد ده سبب الزلزال".
وأضاف أخر: " مع انى حساس اوى فى موضوع الزلازل دا بس ماحستش بزلزال النهارده".
وأضافت أخرى: " كنت نايمه ولاقيت نفسي دخت والتكيف اشتغل لوحده مش عارفه ازاي".
وأضاف آخر: "مركز بحوث الزلازل أول زلزال قوي بعد 92 وهيكون ليه توابع النهارده".
وأضافت أخرى: " كنت نايمة ولقيت السرير بيتهز جامد ببص علي المروحه لقتها بتتحرك وانا مش مشغالها لقيت نفسي بجري علي البلكونه ليه معرفش".
وأضاف آخر: " خليكوا انتوا كل يومين كدا تقولوا كان فيه زلزال وانا محسش بحاجه".
وتابع آخر ساخرًا: " يا سلام لو كان مع الزلزال شوية سيول قوية كدا تخلص نص البلد بحالها".
واختتم أخر التعليقات: " يا جماعة من اول مابيج رامي وصل القاهرة حصل زلزال".
