نشر رواد مواقع التواصل الاجتماعي فى السويس، قصة أسرة توقفت سيارتهم أمس الأحد بطريق السويس- القاهرة بعد نقص البنزين في المركبة التى كان يستقلها.
و روى صاحب الواقعة القصة على الفيس بوك يقول " احنا حصل لينا موقف امبارح مصدقتش اننا فى مصر كنا رجعين من السويس الى القاهرة الساعه ٧ انا وجوزي واولادى أطفال اكتشفنا اول ما اخدنا الطريق ان لمبه البنزين نورت وأننا مش معانا بنزين كملنا من منطلق مش ممكن مفيش بنزينه هتقابلنا على الطريق" .
واستطرد فى القصة، " انه لسوء الحظ مالقناش بنزينة والعربيه وقفت بينا والدينا ضلمه ومحدش راضى يقف طبعا اى حد هيخاف يقف المهم فكرنا نكلم نجدة الطريق لحسن الحظ رده واخده البلاغ ومفيش دقيقتين لاقينه النقيب احمد صبحى من النجده بيكلمنا ويسأل على مكانا بالظبط وبيقول جاله تعليمات من اللواء مدير أمن السويس اللواء محمد الالفى انهم يساعدونه حتى لو خارج نطاق السويس وطلبه مننا اللوكشن وفى اقل من نصف ساعة واحنا واقفين فى الصحراء والضلمه لقينا الرائد محمود محمد البسيوني بنفسه جى ومعاه ٢ عساكر ومعاهم بنزين فى جركن.
واضاف ان العساكر قاموا بتموين العربية وبدون أى مقابل ومنتهى الذوق والأدب والجدعنه ، توجه بالشكر لرجال الشرطة المصرية و اللواء محمد الالفى و للنقيب احمد صبحى للرائد محمود محمد البسيوني العسكرى .
