علق المنتج الكبير نصر محروس علي وقوع الصلح بينه وبين الفنان محمد دياب على يد تامر حسني منذ عدة ساعات، ونشر نصر الفيديو الخاص بهذا الصلح من خلال حسابه الرسمي علي "إنستجرام"، وعلق عليه قائلاً: "أنا اللي بشكرك يا تامر وبشكر ربنا عليك وأنا فخور بيك كأخ ليا.. وبافتخر بيك كأكبر فنان في جيلك.. انا ما اقدرش يا تامر ارفضلك طلب وطبعاً دياب اخويا الصغير اللي بأتمناله كل خير ونجاح".
وكان قد أعلن تامر حسنى فى فيديو مع دياب ونصر محروس بثه عبر حسابه الرسمى على "إنستجرام" تنازل نصر محروس عن الشرط الجزائى لعقد المطرب دياب، وقال تامر حسني فى الفيديو: "الحمد لله ربنا قدرنى أكون سبب في صلح أخويا وحبيبي دياب على أخويا الكبير المنتج اللي قدمني وقدم أجيال كتير لمصر الأستاذ نصر محروس".
وأضاف: "تم الصلح فى منزله وتغاضى عن كامل الشرط الجزائى الواقع على الفنان دياب، ودى لفتة حقيقى مفيش منتج ممكن يعملها فى الزمن ده، شكرا أستاذ نصر شكرا إنك كبرتلى ومردتليش طلبى ووقفت جنب دياب لأنه شاب ولسه فى أول حياته، كل الشكر أستاذ نصر محروس".
