كشف الإعلامي شريف مدكور تفاصيل البوست الخاص بالسلف. والذي لاقي انتقادات كثيرة.
ورد مدكور خلال مداخلة هاتفية مع الإعلامي عمرو أديب ببرنامج الحكاية، على فضائية إم بي سي مصر، على الانتقادات التي جاءت له بعد إعلان رأيه في طلب بعض الأشخاص اقتراض المال منه.
وحكي مدكور ما قصده في المنشور، والرسائل التي يتلقاها قائلا: "في ناس كتير هاجمتني والموضوع بقى تريند مع أنه تافه جدا، ومش أول مرة أكتبه، أنا بس عاوز أفهم يعني إيه حد أنا معرفوش يبعتلي يقولي أنا عاوز استلف 100 ألف جنيه، أولا اللي عاوز يستلف عمره ما بيبعت لحد ميعرفوش هيبعت لحد من أهله، وفي حدود في الطلب والسلف".
واستطرد: "أنا شخص صريح في ناس قالوا عني أني قليل الأدب بس دي فلوسي وأنا بشقى فيها، يعني إيه أسلف حد معرفوش، أسلف حد قريبي عارف أن هو هيرجعهولي، يعني إيه واحدة تبعتلي تقولي عاوزة 100 ألف جنيه علشان اشتريت حاجات من ورا جوزي وهتفضح وهديهوملك كمان سنة، ولا واحد يقولي محتاج 6000 جنيه علشان أدفع قسط الموبايل اشتريت ليه الموبايل وأنت مش معاك فلوسة، مش عارف استوعب".
وأضاف: "في ناس بتقول خسارة فيك الدعاء اللي كنا بندعيهولك، أنا مطلبتش من حد يدعيلي أنا وقت مرضي حكيت اللي حصل والناس المحترمة دعتلي بس محدش يذل حد بالدعاء".
وأكمل، أنا مأمور في ديني أني أدفع زكاة وأتصدق، مش مأمور أني أسلف ناس إلا لو ناس أعرفها معرفة شخصية، مش طبيعي اللي بيحصل.
واختتم حديثه موضحا أنه يساعد من يطلب مثلا العلاج، ويكون هنك إجراءات يتبعها يطلب تقرير حول العلاج ويذهب إلى المستشفى ويدفع التكاليف.
