كشفت صباح خضير مفجرة فضائح أحمد بسام زكي، توقيت عمل صفحة شرطة الاعتداءات الجنسية على إنستجرام والتي نشرت كل فضائح أحمد بسام زكي.
وقالت لـ"البوابة نيوز"، "انا كنت بنزل كل قصص البنات بالإنجليزي عشان تنتشر في نطاق أوسع وفكرة صفحة شرطة الاعتداءات الجنسية الفتاة أو الشاب اللي عملوها من غير أي هوية عشان أي بنت كانت بتنزل منشور تفضح فيه أحمد أهل أحمد كانوا بيرفعوا عليها قضية فلما اتعملت الصفحة دي وبدأت تنزل كل فضائحه من غير ما يكون معروف مين صاحبها في سرية تامة كان هدفها هو نفس هدفي وعشان كده تم التعاون بينا والي يومنا هذا لم اتعرف على هوية مؤسس أو مؤسسة الصفحة وهدفنا القبض على أحمد بسام زكي ومحاكمته".
وعن قصة فتاة الجيم قالت "البنت دي انا مصدقاها جدا والبنت دي راحت النيابة فعلا وقالت انه استدرجها للكومباوند بتاعه واغتصبها داخل الجيم بتوافق مع احد افراد الامن الكومباوند هناك وهي فعلا قعدت تتعالج سنتين عند دكتور لان حصلها كسور في الحوض وبواسير".
أضافت "جالنا اكتر ٥٠ رسالة قصص من الفتيات، مش لازم كلها اغتصاب ولكن بعضها اغتصاب بعضها تهديد بعضها تحرش ومضايقات انه بيحاول يستدرجهم لبيته أو بيهددهم بصورهم وحتى اللي مبعتلوش صور ليهم بيقولهم كفاية صورة وشك وانا هركب الفضيحة فوتوشوب وبرغم كل القصص دي انا مأثرش فيا حاجة اكتر من الرسايل الصوتية اللي سمعتها بودني وتم نشرها وهو بيقول لبنت قدامك ساعة وتجيلي البيت والا هفضحك عند اختك يا تجيلي ونعمل ده مع بعض يا اما هفضحك وانتي هتفضلي أسيرة عندي وهتفضلي تعملي اللي انا عايزه انا كنت بسمع الرسايل الصوتية دي اكتر من ٣ مرات يوميا عشان اقنع نفسي ان اللي انا بعمله صح واني لازم اكمل فضح الشخص ده لحد ما يروح القسم".
