قال الفنان أحمد رزق، إن ردود فعل المصريين عقب عرض فيلم "الممر" تختلف كثيرًا عن عرضه في السينما، مضيفًا: "الفيلم لما اتعرض في السينما حسينا بنجاحه وكل حاجة بس مش زي الحالة اللي عايشينها من امبارح للنهارده".
وأوضح "رزق" في حواره لبرنامج "كل يوم" على فضائية "أون E"، اليوم الاثنين: "حالة المصريين من امبارح للنهارده مش مجرد حالة فنية، دي حالة شعبية، حصل توحد من الشعب حول الفيلم، وإدانا علامة أن الناس نفسها تشوف بطولات"، مؤكدًا: "الفيلم أحد بطولات حرب الاستنزاف التي لا تعد ولا تحصى ومهما اجتهدنا في السينما مش هنديهم حقهم".
وأشار: "الناس لما شافت جزءا من بطولات الجيش المصري حسوا بناء على الدوشة بقيمة الجيش أكتر"، موضحًا: "الناس لما بتشوف مباريات المنتخب بيبقى نفسها تفرح باسم مصر، ولما بيشوفوا ليفربول بيستنوا صلاح يجيب جول عشان يهتفوا لمصر، لأنهم بيعتبروه رمز لبطولة مصرية".
