ظهر عدد من التحديات في الغرب بين النجوم، منها كان المياه الباردة، ورقصة الكيكي، وآخرها غطاء الزجاجة؛ لكن في مصر اختار النجوم تحدي جديد يستفيد به جمهورهم وأبناء شعبهم، بعنوان تحدي الخير، حيث يختار أحد الفنانين زميل له ليتحداه في أفعال الخير.
أول من بدأ التحدي الفنان مصطفى درويش، والذي اختار بدوره الفنان مصطفي شعبان، حيث كتب درويش عبر صفحته الشخصية بشبكة التواصل الاجتماعي فيس بوك: " احنا بقي هنعمل حاجه حلوه اوى نعمل تحدي الخير يعني كل واحد يمنشن لحد يتحداه في الخير احسن من تحدى الهيافه اللي بيتعمل علي السوشيال ميديا؛ وانا هبدء بأول تحدي:
- خصصت نسبه لمرضي السرطان ونسبه لكبار السن المحتاجين للإيواء، فتحت سلسلة مطاعم بيت روقه يوميا لكبار السن المحتاجين يتغدو ويروقوا، انا بتحدي مصطفي شعبان.. وابقى أجرى ورايا.
و بدوره قبل الفنان مصطفي شعبان التحدي واعلن عبر صفحته ايضا عن ما سوف يقوم به، واختياره للفنان امير كرارة لدخول هذا التحدي، وكتب شعبان قائلا:" واجري وراك ليه يعني دا ربنا قال واستبقوا الخيرات بسم الله الرحمن الرحيم وَلِكُلٍّ وِجْهَةٌ هُوَ مُوَلِّيهَا ۖ فَاسْتَبِقُوا الْخَيْرَاتِ ۚ أَيْنَ مَا تَكُونُوا يَأْتِ بِكُمُ اللَّهُ جَمِيعًا ۚ إِنَّ اللَّهَ عَلَىٰ كُلِّ شَيْءٍ قَدِيرٌ (صدق الله العظيم) "
وتابع: أنا بقبل تحدي مصطفى درويش؛ وهعمل كل يوم وجبات مجانيه لاهالي مرضى السرطان المغتربين.. هتبرع بنسبه لاتنين من دور الايتام؛ وهخصص نسبه لاتنين من دور المسنين، وهعمل تلاجات ميه ساقعه في اماكن متفرقه عشان تخفف عن الناس الحر والتعب والعطش في ايام الصيف الصعبه دي.
