«معلمة بالوراثة من صغرها»، أم عبده «٣٧ عاما تعمل فى مهنة الجزارة منذ صغرها تقول: «عيدنا فى المدبح أنا وجوزى وعيالي».
وتتابع لـ"البوابة نيوز": «أنا بعرف أعمل كل شيء فى مهنة الجزارة بعرف أشفى وأذبح وأقطع ودا حاجة عادية تعودنا عليها منذ الصغر، وهذا مصدر رزقنا، وكل شخص ليه مهنة معينة، وإحنا سلاحنا للقمة العيش السكينة والساطور وأنا اتعلمت دا من أهلى وبعلمه لعيالي، لأن ده أصلنا من جدودنا، وأى شخص فى السوق يتعرض لمشاكل وبالأخص فى مهنتنا، المشاكل فيها كتير إحنا لا روحنا مدارس ولا تعلمنا إحنا تعليمنا كله فى الشارع.
وتابعت «أم عبده»: «فى مهنتنا بنتصاب كتير بسبب السكاكين، لغاية ما نتعلم التقطيع والتشفيه، لأن السكينة أو السطور بيكون حاد ممكن لو سرحت تتقطع إيدك والحيوان بيحس لما بيكون هيتدبح فاحنا بنتعامل معاه بحرص عشان ممكن وهو بيقاوم يعور أى حد، وفى ناس كتيرة ماتت بسبب ده وإحنا شغلاتنا مش ساهلة زى ما الناس متوقعة».
