يا عبعزيز ز ز .. حد شافه ؟ .. كان هنا من شوية .. يا عبعزيز ززز ، مين عبعزيز ده ! ، يطلع مين بسلامته ! ، ما تخدوش في بالكوا ، جنابه صعيدي محظوظ من اللي فازوا بأريكة برلمانية، يظهر والله أعلم تاه في الزحمة اللحمة بشوارع مصر الواسعة، عبعزيز القناوي وفقا لتقرير مهم للمفتش كرومبو ، وصل من أسبوع محطة مصر والنية رايحة على المجلس لاستخراج كارنيه العضوية ، .. ويا عبعبزيز زززز، ومفيش لا حس ولا خبر عن جنابه ، غرفة عمليات مجلس النواب لم ترصد أي هزّة أرضية لرِجل جنابه ، فيما قال شهود عيان إنه ، شوهد في موكب سيرا ع الأقدام من محطة القطر للبرلمان بصحبة فرقة حسب الله ، يا نجدة .. يا ميه اتنين وعشرين ، الدايرة تنادي .. راح فين عبعزيز ، حوّل .
