(المواطن الغلبان حسن حصاوى يغشي عليه من حين لأخر.. وعندما
يفيق لا يفهم ما حدث حوله من تغيرات ولكن أحيانا يجعل من يسمعه هو الذي يغشي عليه).
(حصاوي جالس بالمقهى يلاحظ شابا ناصريا بجواره يقرأ في صحيفة
باهتمام، ومن حين لآخر يبتسم ويتمتم).
الناصري:
الله.. الله.. يا سلام عليك يا سيدي.. أهو كدا الكلام ولا بلاش.. قولهم.. فهمهم.
(حصاوي يستبد به الفضول فينتقل للجلوس بجواره وينظر معه في
الصحيفة)
حصاوي:
حضرتك ولا مؤاخذة بتتكلم على إيه؟
الناصري:
على حوار الأستاذ الكبير محمد حسنين هيكل مع الإعلامية لميس الحديدي في البرنامج
بتاعها.
حصاوي:
هو لسه عايش؟
الناصري:
طبعا يا أستاذ.
حصاوي:
متأسف. .أصلي بقالي مدة ما سمعتش أنه قال حاجة.
الناصري:
لا أنت بس اللي مش متابعه.
حصاوي:
وقال إيه المرة دي؟
الناصري:
قال إن الرئيس عبد الفتاح السيسي لسه بيشتغل بنفس نظام مبارك والإخوان.. وده
صحيح.
حصاوي:
ما هو هيكل طول عمره صاحب الرئيس عبد الناصر وعمره ما قال إنه غلط في
حاجة.
الناصري:
ما هو دا صحيح.
حصاوي:
وهو فيه حد في الدنيا ما بيغلطش؟
الناصري:
طب قولي عبد الناصر غلط في إيه؟
حصاوي:
عموما عبد الناصر توفي وبقي تاريخ.. إنما الأستاذ بتاعك لسه بيزيف تاريخنا لحد
دلوقت.
الناصري:
أتحداك يكون الأستاذ هيكل زيف حاجة.
حصاوي:
يعني قال مثلا إن عبد الناصر لغى كل الأحزاب من غير ما يقول، ما عدا حزب الإخوان؟ وكان
نص زمايله ميالين للإخوان.
الناصري:
بس عبد الناصر لغي حزبهم بعد كده.. تنك؟
حصاوى:
مش بعد ما رفضوا يكون لهم 3 وزراء إخوان لأنهم كان متعشمين فيه يا خدوا رأيه
في
كل خطوة؟ .
الناصري:
وهو حاكمهم بعد كده.
حصاوي:
طبيعي.. مش بعد ما حاولوا يقتلوه؟ إنما بقية الأحزاب بما فيهم الوفد كان نكل بيهم
الأول
هما واليساريين كمان.
الناصري:
بالعكس عبد الناصر أفرج عن اليساريين وضم بعضهم للثورة.
حصاوي:
مش بعد ما حطهم في السجون سنين؟ وما أفرجش عنهم غير لما غصبهم يحلوا أحزابهم.
الناصري:
يستاهلوا لأنهم كانوا عايزين نظام.. نظام.
حصاوي (مقاطعا): نظام اشتراكي..
أنت مكسوف تقولها؟ ولا عايز تقولي إنه كان اشتراكي من يومه، ولا قرأ حاجة عنها إلا
في الستينات؟
الناصري:
المهم أنه نشر الاشتراكية في مصر.
حصاوي
والله؟ يعني عايز تقول إن هيكل كان اشتراكي؟ ولا عبد الحكيم عامر ولا حسين الشافعي
ولا كمال الدين حسين ولا أنور السادات؟ دي تبقي نكتة الموسم.
الناصري:
أنت بتسفسط، كل دول أمنوا بالاشتراكية اللي أعلنها ناصر.
حصاوي:
وجايز كمان أكون أنا اللي عملت انقلاب على الرئيس محمد نجيب وحبسته من غير محاكمة
وحرمت حد يجيب سيرته.. لما الناس نسيته وبعضهم أفتكر أنه مات.
الناصري:
يكفي أن أمم قناة السويس.
حصاو:ي
وكان فاضل لنا 12 سنه والقناة ترجع لنا.لكن الغرب رد عليه بالعدوان الثلاثي
واتعطلت
القناة وإسرائيل احتلت سينا.
الناصري:
لكن رجعت القناة وسينا لمصر.
حصاوي:
وما حسبتش اللي ماتوا واللي انصابوا.. هو نفسه قالنا عددهم كام؟ والاقتصاد حصل
له
إيه؟ ودفعنا قصاد التأميم لأصحاب أسهم القناة قد إيه؟ وانجلترا اللي كانت مديونه
لنا
كلت علينا الفلوس ولحد دلوقت ما رجعتش.
الناصري:
لكن دحر العدوان الثلاثي وجلوا عن بلادنا.
حصاوي:
بس إسرائيل كانت اشترطت تمشي بسفنها في البحر الاحمر وأضطر يوافق بس
خبي
علينا دا.
الناصري:
وهو بعد كده منعهم من المرور.
حصاوي:
أه بس جاب لنا حرب تانية عشان ينسي الناس هزيمتنا في اليمن.وطردنا من سوريا وفشل
الوحدة العربية، وبعد ما كان مسح اسم مصر وخلاها الجمهورية العربية المتحدة وسمانا
الإقليم الجنوبي.. وبعد ما الاتنين ما انفصلوا عنا ما رضيش يرجع اسم مصر ومات
وإحنا الجمهورية العربية المتحدة.. مع مين؟ ما تعرفش.
الناصري:
أنت خرجت عن موضوع المناقشة.
حصاوي:
نرجع لموضوعنا.. صاحبك بيقول إن حكم السيسي.. زى الإخوان وزى مبارك والاتنين زوروا
الانتخابات؟ لكن ناصر عمره ما كان رئيس منتخب كان بينزل استفتاءات مزورة ويكسب بـ99,999%
والإخوان عايزين يحكمونا بالعافية.
يبقى
السيسي زيهم إزاي؟
الناصري
(ناهضا وزاعقا): أنا لا يمكن أتناقش مع واحد زيك من أعداء الشعب.
حصاوي:
ولا عمر هيكل أتناقش مع حد.. ولا عمر ناصر اتناقش مع حد.. كان بيحبسهم ويعذبهم
بس.
( الناصري يغشي عليه )
لينين
الرملي
619
هرش
مخ 28 ديسمبر 14
1ــ بعد
الحكم
كان
هيكل الشريك الوحيد لناصر.. أما عبد الحكيم عامر فربما نتأكد أنه كان شريكه لكن
بعد الحكم في قضية اغتياله!
19
2ــ الأيام
العظيمة
فين
الأيام العظيمة مع الرئيس المنتخب عبد الناصر بطل الوحدة الذي كنا في عهده
الإقليم
الجنوبي في الجمهورية العربية المتحدة؟!
20
3ـــ
الأيام الشريفة
وفين
أيام السادات الجميلة عندما قرر علينا ثلاثة أحزاب.. حزب يميني وحزب يساري
ورأس
هو الحزب الوسطي علي منوال الأزهر الوسطي؟!.
21
4ــ الأيام
الطاهرة
خسارة
أن نفقد حزب الحرية والعدالة الإخواني.. ربنا يعوضنا بأن يمثلنا في مجلس
الشعب..
ولو بأسماء أخرى!
15
5 ـــ
الأيام المباركة
فين
أيام مبارك الذي أستطاع ببراعة أن يروض الإخوان والسلفيين والأزهر والنهابين
ثلاثين
سنة!
15
6ـــ
الأيام الخالدة
فين
أيام العزة عندما كانت لا تمر علينا سنة بلا حرب مجيدة مع البلاد العربية الشقيقة
التي
حولنا؟
17
7ـــ أيام
الأغاني
فين
أيام الأغاني والأناشيد التي كنا نصحو وننام عليها فنتأكد أننا نسير في طريق
المجد
وحتى إشعار آخر؟!
18
