(المواطن الغلبان حسن حصاوى يُغشى عليه من حين لآخر، وعندما يفيق لا يفهم ما حدث حوله من تغيرات ولكن أحيانا يجعل من يسمعه هو الذي يغشي عليه).
(حصاوي جالس علي المقهى ويفتح الجرسون التليفزيون حسب طلب بعض الشباب ولكن أغلبهم يتحدث في نفس الوقت، يضطر حصاوي أن يبتعد عن الجميع ويجلس بعيدا عن الضوضاء).
( شاب كان يجلس صامتا ينظر لحصاوي ثم ينهض ويجلس بجواره)
الشاب عندك حق. الدوشة فظيعة.هنسمع اللي بيتكلموا ولا نسمع التليفزيون؟.
حصاوي مش كده والنبي؟.
الشاب أنما أنت إيه رأيك في اللي حاصل؟.
حصاوي هو نفسه اللي حصل أمبارح.
الشاب مش فاهم. اللي حصل أمتي؟.
حصاوي طول السنين اللي فاتت.
الشاب برضه مش فاهم.تقصد اللي حصل في 25 يناير؟.
حصاوي قصدك 26 يناير.
الشاب لا أنت مش واخد بالك.الثورة بدأت في 25 يناير.
حصاوي جايز.
الشاب مش جايز.دي حقيقة.الناس كلها خرجت تحتج بمظاهرات كبيرة بتطالب بالتغيير.
حصاوي المهم أن فجأة حوالي الضهر.طلعت مجموعة من الناس قعدت تولع حرايق في المحلات والسينماهات وغيرها طول ما هي ماشية وبعدين اختفوا.
الشاب بس هما ما حرقوش البلد يوم 25.ومش معقول الثوار يحرقوا البلد.
حصاوي أنت اللي معلوماتك غلط.أمال هما سموا اليوم دا حريق القاهرة ليه؟.
الشاب ( ضاحكا وهو ينظر له باستغراب) أنت بتقول كلام غريب.الكلام دا ما حصلش.
حصاوي أمال أعلنوا الأحكام العرفية ليه؟. وشالوا الحكومة في تاني يوم ليه وجابوا حكومة غيرها ليه؟.
الشاب ( ضاحكا أكثر) أنت الظاهر في الهلالاه. هيه. وبعدين حصل إيه؟.
حصاوي عملوا تحقيقات كتيره. بس معرفوش مين اللي عمل الحريق.
الشاب وبعدين؟
حصاوى وبعد حوالي ست أشهر جت حكومة تانية بس ثورية بقي.الناس طلبوا منهم يفتحوا التحقيق من تاني. لكن برضه ماعرفوش اللي حرقوا البلد.ولحد النهار دا.ما حدش عرف الحقيقية.
الشاب لا حول ولا قوة إلا بالله. تقصد حرق أقسام البولس وغيرها؟.
حصاوي معرفش بس ناس قالوا دول من الإخوان لأنهم كانوا خدوا تمويل من الإنجليز.
الشاب الأنجليز ولا أمريكا؟.
حصاوي معرفش.وعموما ما تفرقش.المهم ان التحقيق لحد النهار دا ما اتفتحش.وأديني مستني لما أشوف الحكاية هترسي علي إيه؟.
الشاب ما تأخنيش يا والدي، أنت الظاهر مالكش في السياسة بالمرة.
حصاوي دا صحيح. لأني من ساعتها بطلت أتكلم في السياسة.
الشاب ليه ؟ هو حد جه جنبك ولا أتهمك بحاجة؟.
حصاوي الحقيقة لا.الكذب عيب. بس الحقيقة برضه أن الحكومة كانت أوقفت العمل بالدستور
وحلت مجلس النواب ومجلس الشورى وحلت كمان كل الأحزاب ما عدا الإخوان
المسلمين.قالوا لأنها جماعة دعوة دينية يعني ما لهاش في الكلام دا.
الشاب أنت فاهم الحكاية غلط خالص.إحنا كان عندنا دستور وأحزاب ومجلس شعب ومجلس شوري كمان بس كان عندنا تزوير للانتخابات.
حصاوي غريبة. أنا معرفش أن كان عندنا أحزاب بعد ما أنحلت كلها.
الشاب يمكن أنت بس عشان ما بقتش مهتم بالسياسة.
حصاوي وأنا أهتم بيها ليه بقي ما دام كانت بتمنع أن حد يترشح غير الرئيس نفسه وأنت بتقول أنها كانت بتتزور.
الشاب استني. تكونش أنت بتتكلم علي الماضي القديم قوي.
حصاوي قديم أزاي بقي وأنت اللي بتقول أن حصلت ثورة في 25 يناير . مع أن المشكلة
كلها كانت في 26 يناير؟ أنت ما سمعتش عنها؟.
الشاب سمعت طشاش بس أنا كنت صغير وقتها.
حصاوي كويس وبعدين كبرت ودخلت الجامعة. ما سمعتش عن حريق القاهرة أبدا؟.
الشاب لا أصل أنا ما كنتش قسم أدبي أنا في كلية الطب.
حصاوي ما لكش حد قريب منك ولا من صحابك في الآداب؟.
الشاب عندي أخويا بس هو كمان ما سمعش عن اللي بتقوله؟.
حصاوي مش معقول يكون تاريخنا مش بيدرس لطالب الآداب.
الشاب يمكن مذكور.بس جايز الدكتور بتاعهم يكون ما طلبش منهم يذاكروا الجزء دا في الامتحان اللي جاي لهم.إنما أنت لسه مهتم بالمرحلة دي ليه ولحد دلوقيت مش قادر تنساها؟.
حصاوي أبدا بش عشان مفروض أني مصري, وأنا لحد دلوقت بقرا عن تاريخنا علي الانترنت وكل يوم أعرف حاجات جديدة.
الشاب عايز أصارحك بحاجة.أنت أكيد بتعاني من الزهايمر.
حصاوي دا صحيح.بس أنا مش عايز أعالجه.أصلي مش عايز أنسي.
( الشاب ينظر له بدهشة ويتركه بسرعة )
615
هرش مخ 21 ديسمبر 14
1ــ زغروطة
وصل السفير الأمريكي الجديد إلي مصر بعد انقطاع لمدة سنة ونصف.سمعونا
زغروطة كبيرة قوي.ونتقابل في الصين!.
16
2ــ زغروطة كمان
حزب النور لا يمانع في المشاركة في قائمة وطنية تعلي مصلحة الوطن كقائمة
الدكتور كمال الجنزوري.أحمدك يا رب!.
18
3ـــ قول يا رب
مرت ذكري وفاة مكتشف مرض ألزهايمر.إن شاء الله نفتكره كمان كام سنة. بس لما
يكونوا اكتشفوا لنا لدواء الشافي من المرض!.
21
4ــ الحمد لله
كشف إخواني أن كاترين أشتون مسئولة السياسة الخارجية بالاتحاد الأوربي طلبت
من مرسي في أبريل الماضي بتكليف البرادعي لتشكيل الحكومة.الحمد لله انه ما سمعش
كلامها!.
26
5 ـــ الإعلام حر
الدستور يكفل حرية الإعلام في تقديم الذين يعالجون الناس الملبوسه بالجن والعفاريت
بقي أن نعرف كم يتقاضون أو يدفعون لهذه البرامج!.
21
6ـــ أين حقهم؟
أين حق الشهداء من الشرطة والجيش والأهالي الذين ماتوا.؟ خذوه من مبارك وبالمرة
حق شهداء الإخوان ؟!.
17
7ـــ يا سلام
رئيس القطاع الديني بوزارة الأوقاف يسمح بالخطابة في المساجد لمن يري أنه يجوز
عدم الوقوف للسلام الجمهوري.عنده حق مش يمكن نبقي خلافة إسلامية؟!.
(حصاوي جالس علي المقهى ويفتح الجرسون التليفزيون حسب طلب بعض الشباب ولكن أغلبهم يتحدث في نفس الوقت، يضطر حصاوي أن يبتعد عن الجميع ويجلس بعيدا عن الضوضاء).
( شاب كان يجلس صامتا ينظر لحصاوي ثم ينهض ويجلس بجواره)
الشاب عندك حق. الدوشة فظيعة.هنسمع اللي بيتكلموا ولا نسمع التليفزيون؟.
حصاوي مش كده والنبي؟.
الشاب أنما أنت إيه رأيك في اللي حاصل؟.
حصاوي هو نفسه اللي حصل أمبارح.
الشاب مش فاهم. اللي حصل أمتي؟.
حصاوي طول السنين اللي فاتت.
الشاب برضه مش فاهم.تقصد اللي حصل في 25 يناير؟.
حصاوي قصدك 26 يناير.
الشاب لا أنت مش واخد بالك.الثورة بدأت في 25 يناير.
حصاوي جايز.
الشاب مش جايز.دي حقيقة.الناس كلها خرجت تحتج بمظاهرات كبيرة بتطالب بالتغيير.
حصاوي المهم أن فجأة حوالي الضهر.طلعت مجموعة من الناس قعدت تولع حرايق في المحلات والسينماهات وغيرها طول ما هي ماشية وبعدين اختفوا.
الشاب بس هما ما حرقوش البلد يوم 25.ومش معقول الثوار يحرقوا البلد.
حصاوي أنت اللي معلوماتك غلط.أمال هما سموا اليوم دا حريق القاهرة ليه؟.
الشاب ( ضاحكا وهو ينظر له باستغراب) أنت بتقول كلام غريب.الكلام دا ما حصلش.
حصاوي أمال أعلنوا الأحكام العرفية ليه؟. وشالوا الحكومة في تاني يوم ليه وجابوا حكومة غيرها ليه؟.
الشاب ( ضاحكا أكثر) أنت الظاهر في الهلالاه. هيه. وبعدين حصل إيه؟.
حصاوي عملوا تحقيقات كتيره. بس معرفوش مين اللي عمل الحريق.
الشاب وبعدين؟
حصاوى وبعد حوالي ست أشهر جت حكومة تانية بس ثورية بقي.الناس طلبوا منهم يفتحوا التحقيق من تاني. لكن برضه ماعرفوش اللي حرقوا البلد.ولحد النهار دا.ما حدش عرف الحقيقية.
الشاب لا حول ولا قوة إلا بالله. تقصد حرق أقسام البولس وغيرها؟.
حصاوي معرفش بس ناس قالوا دول من الإخوان لأنهم كانوا خدوا تمويل من الإنجليز.
الشاب الأنجليز ولا أمريكا؟.
حصاوي معرفش.وعموما ما تفرقش.المهم ان التحقيق لحد النهار دا ما اتفتحش.وأديني مستني لما أشوف الحكاية هترسي علي إيه؟.
الشاب ما تأخنيش يا والدي، أنت الظاهر مالكش في السياسة بالمرة.
حصاوي دا صحيح. لأني من ساعتها بطلت أتكلم في السياسة.
الشاب ليه ؟ هو حد جه جنبك ولا أتهمك بحاجة؟.
حصاوي الحقيقة لا.الكذب عيب. بس الحقيقة برضه أن الحكومة كانت أوقفت العمل بالدستور
وحلت مجلس النواب ومجلس الشورى وحلت كمان كل الأحزاب ما عدا الإخوان
المسلمين.قالوا لأنها جماعة دعوة دينية يعني ما لهاش في الكلام دا.
الشاب أنت فاهم الحكاية غلط خالص.إحنا كان عندنا دستور وأحزاب ومجلس شعب ومجلس شوري كمان بس كان عندنا تزوير للانتخابات.
حصاوي غريبة. أنا معرفش أن كان عندنا أحزاب بعد ما أنحلت كلها.
الشاب يمكن أنت بس عشان ما بقتش مهتم بالسياسة.
حصاوي وأنا أهتم بيها ليه بقي ما دام كانت بتمنع أن حد يترشح غير الرئيس نفسه وأنت بتقول أنها كانت بتتزور.
الشاب استني. تكونش أنت بتتكلم علي الماضي القديم قوي.
حصاوي قديم أزاي بقي وأنت اللي بتقول أن حصلت ثورة في 25 يناير . مع أن المشكلة
كلها كانت في 26 يناير؟ أنت ما سمعتش عنها؟.
الشاب سمعت طشاش بس أنا كنت صغير وقتها.
حصاوي كويس وبعدين كبرت ودخلت الجامعة. ما سمعتش عن حريق القاهرة أبدا؟.
الشاب لا أصل أنا ما كنتش قسم أدبي أنا في كلية الطب.
حصاوي ما لكش حد قريب منك ولا من صحابك في الآداب؟.
الشاب عندي أخويا بس هو كمان ما سمعش عن اللي بتقوله؟.
حصاوي مش معقول يكون تاريخنا مش بيدرس لطالب الآداب.
الشاب يمكن مذكور.بس جايز الدكتور بتاعهم يكون ما طلبش منهم يذاكروا الجزء دا في الامتحان اللي جاي لهم.إنما أنت لسه مهتم بالمرحلة دي ليه ولحد دلوقيت مش قادر تنساها؟.
حصاوي أبدا بش عشان مفروض أني مصري, وأنا لحد دلوقت بقرا عن تاريخنا علي الانترنت وكل يوم أعرف حاجات جديدة.
الشاب عايز أصارحك بحاجة.أنت أكيد بتعاني من الزهايمر.
حصاوي دا صحيح.بس أنا مش عايز أعالجه.أصلي مش عايز أنسي.
( الشاب ينظر له بدهشة ويتركه بسرعة )
615
هرش مخ 21 ديسمبر 14
1ــ زغروطة
وصل السفير الأمريكي الجديد إلي مصر بعد انقطاع لمدة سنة ونصف.سمعونا
زغروطة كبيرة قوي.ونتقابل في الصين!.
16
2ــ زغروطة كمان
حزب النور لا يمانع في المشاركة في قائمة وطنية تعلي مصلحة الوطن كقائمة
الدكتور كمال الجنزوري.أحمدك يا رب!.
18
3ـــ قول يا رب
مرت ذكري وفاة مكتشف مرض ألزهايمر.إن شاء الله نفتكره كمان كام سنة. بس لما
يكونوا اكتشفوا لنا لدواء الشافي من المرض!.
21
4ــ الحمد لله
كشف إخواني أن كاترين أشتون مسئولة السياسة الخارجية بالاتحاد الأوربي طلبت
من مرسي في أبريل الماضي بتكليف البرادعي لتشكيل الحكومة.الحمد لله انه ما سمعش
كلامها!.
26
5 ـــ الإعلام حر
الدستور يكفل حرية الإعلام في تقديم الذين يعالجون الناس الملبوسه بالجن والعفاريت
بقي أن نعرف كم يتقاضون أو يدفعون لهذه البرامج!.
21
6ـــ أين حقهم؟
أين حق الشهداء من الشرطة والجيش والأهالي الذين ماتوا.؟ خذوه من مبارك وبالمرة
حق شهداء الإخوان ؟!.
17
7ـــ يا سلام
رئيس القطاع الديني بوزارة الأوقاف يسمح بالخطابة في المساجد لمن يري أنه يجوز
عدم الوقوف للسلام الجمهوري.عنده حق مش يمكن نبقي خلافة إسلامية؟!.
