المواطن الغلبان حسن حصاوى يغشى عليه من حين لآخر، وعندما يفيق لا يفهم ما حدث حوله من تغيرات، ولكن أحيانًا يجعل من يسمعه هو الذي يغشى عليه.
جاءت جلسة حصاوي هذه المرة بجوار شاب جامعى، ودخل في نقاش حامي الوطيس مع حصاوي دون معرفة:
الطالب: شايف الحكومة والشرطة وأفراد الأمن الإداري وشركة الأمن اللي دفعوا لها عشان كل دول يبقوا ضد الطلبة في الجامعات في كل مصر.. يرضي مين دا.. هما داخلين حرب ضد الطلبة الغلابه اللي داخلين يتعلموا؟
حصاوي: هدّي نفسك.. أولًا من ناحية الحرب هي حرب فعلاً.
الطالب: فيه حكومة تعلن حرب على أبنائها؟
حصاوي: لأ طبعًا.. بس الحرب من جهة بعض الطلبة مش كلهم.
الطالب: وافرض.. يقوموا يفتشوهم ويضربوهم ويقبضوا عليهم وكمان يفصلوهم.. في شرع أي جامعة دا؟
حصاوي: في شرع أي جامعة متحضرة.. لأن المفروض إنهم رايحين يتعلموا.
الطالب: وإذا كانوا همّ اللي على حق؟
حصاوي: خلاص يبقى هما اللي يتولوا تعليم الأستاذة والعمداء.
الطالب: وليه لأ.. همّ دول مش بني آدمين ولهم كل الحقوق؟
حصاوي: يعني كل واحد خد الثانوية العامة ينفع يبقى مدرس وأستاذ وعميد.. يبقى لازم نديهم رواتب الأساتذة.
الطالب: هما مش عايزين يدرسوا.. عايزين ياخدوا حقهم في الحرية.
حصاوي: إذا كان كل تلميذ داخل كلية الحقوق مثلاً يعرف كل القوانين يبقى يدخل الجامعة ليه.. وإيه علاقة الحرية بالطبيعة والكيمياء والطب والتجارة وباقي العلوم اللي مفروض داخلين عشان يعرفوها؟
الطالب: أنا بتكلم على حقوقهم السياسية.
حصاوي: ما هي برضو بيدرسها الأساتذة للشباب.
الطالب: بيدرسوها غلط.
حصاوي: من قبل ما يتعملموها.. ولا همّ داخلين عارفينها.
الطالب: الحرية هبة لكل إنسان قبل ما تكون علم.
حصاوي: يبقى مفيش داعي إنهم يدخلوا الجامعة أساسًا.
الطالب: الواقع إن الجامعات عندنا بتمنع الطلبة من استخدام معتقداتهم وآرائهم.
حصاوي: الواقع إن الجامعة بتدرس المعتقدات والآراء والقوانين.. ودي مش آراء ومعتقدات واحدة.. دي اتجاهات كثيرة ومختلفة.
الطالب: لكن هي بتمنعهم يعبروا عن نفسهم.
حصاوي: اللي أعرفه أنها بتمنع المولوتوف والسلاح الأبيض والشماريخ والخرطوش.
الطالب: لأنها بتمنعهم.
حصاوي: ومفيش أي جامعة في الدنيا بتسمح بالحاجات دي أنها تخش الجامعة.
الطالب: الطلبة محتجّين على سياسة الجامعة اللي هي سياسة الحكومة الغاشمة ولو سابت الطلبة يعرضوا برامجهم، ما كنش يضطروا يستخدموا العنف.
حصاوي: حضرتك ناسي إن مش كل الطلبة معاهم.. بالعكس دول الأقلية.. يبقى الحل إيه؟ يسيبوهم على بعض؟ واللي يكسب هو اللي يستخدم عنف أكبر.. ثم البلد فيها أحزاب من كل نوع لكن نشاطها الأساسي مكانه يكون خارج الجامعة وفي المحافظات والقرى والنجوع.
الطالب: خلاصة الكلام أنت حكومى وما ينفعش الكلام معاك.
حصاوي: يبقى لازم قصدك ما ينفعش معايا غير المولوتوف والخرطوش عشان أقتنع.
الطالب: أهو شفت.. يبقى عايز تبلغ عني الشرطة.
حصاوي: أنا راجل غلبان ومليش دعوة بأي حد.. بس لو كنت معاك في الجامعة ولقيتك بتخش بالمولوتوف هبلغ عنك فعلاً.
الطالب: آه يبقى أنا كنت صح.
حصاوي: أمال تفضل ما أبلغش عنك الشرطة وأرميك أنا راخر بالمولوتوف؟
الطالب: وهو أنا ساعتها كنت أسيبك؟
حصاوى: ما سألتش نفسك ليه ما بتحصلش في الجامعات الخاصة الحاجات دي؟
الطالب: لأن الطلبة اللي فيها جبناء و"رجعيين".
حصاوي: لا.. عشان بيدفعوا دم قلبهم عشان يتعلموا وما عندهمش وقت يضيعوه لأنهم عايزين علام بجد.
الطالب: وأنت كمان مش عايز جامعات الحكومة تعلم الناس الغلابة؟
حصاوي: أنت اللي مش عاجبك علام الحكومة.. مش أنا.. ثانيًا فيه كتير من جامعات الأجانب اللي عندهم فلوس متلتلة، ما بياخدوش من الأصل إلا الطلبة النابغين عشان يضمنوا أن خريجيهم يبقوا أفضل من بقية الجامعات فيضمنوا أنهم يقدروا يطوروا بلادهم.
الطالب: قصدك إيه بالظبط؟
حصاوي: قصدي إن الطلبة الفاشلين أو اللي بيتمولوا من الإرهاب لأنهم فقرا همّ اللي عاملين الزيطة دي.. بس خلاص أنت مين فيهم بقى؟
(الطالب يغشى عليه)
1ـ عن "الأعمار"
مطلوب على وجه السرعة مؤتمر دولي لإعادة "أعمار" مصر!
2ـ لماذا لا؟
مادامت الدولة لا تستطيع السيطرة على حرق الفلاحين للأرز ليلًا الذي يلوث الهواء.. لماذا لا تعمل على مراقبتهم ليلاً وياخدوا بدل سهر؟!
3ـ ولماذا نعم؟
لماذا لا يحدث في الجامعات الخاصة ما يحدث في جامعات الحكومة؟
لأنها حاجة ببلاش كده!
4ـ لماذا لا نجرب؟
لماذا تريد منا أمريكا أن نلغي قانون التظاهر المتشدد كما تقول؟
الحل أن نتبنى قانون التظاهر الأمريكي الحنين!
5ـ جملة مفيدة
جملة مفيدة (مصر لم يعد لديها ما يسرق)
إلا الوقت!
6ـ تواضع
حزب النور يستهدف الاستحواذ على أكثر من 20% من أصوات الناخبين
إيه التواضع دا كله؟
7ـ المؤكد
ضبط قنابل "القسام- حماس" وأسلحة آلية في 4 محافظات مصرية
أكيد كانوا هيستخدموها ضد إسرائيل!
جاءت جلسة حصاوي هذه المرة بجوار شاب جامعى، ودخل في نقاش حامي الوطيس مع حصاوي دون معرفة:
الطالب: شايف الحكومة والشرطة وأفراد الأمن الإداري وشركة الأمن اللي دفعوا لها عشان كل دول يبقوا ضد الطلبة في الجامعات في كل مصر.. يرضي مين دا.. هما داخلين حرب ضد الطلبة الغلابه اللي داخلين يتعلموا؟
حصاوي: هدّي نفسك.. أولًا من ناحية الحرب هي حرب فعلاً.
الطالب: فيه حكومة تعلن حرب على أبنائها؟
حصاوي: لأ طبعًا.. بس الحرب من جهة بعض الطلبة مش كلهم.
الطالب: وافرض.. يقوموا يفتشوهم ويضربوهم ويقبضوا عليهم وكمان يفصلوهم.. في شرع أي جامعة دا؟
حصاوي: في شرع أي جامعة متحضرة.. لأن المفروض إنهم رايحين يتعلموا.
الطالب: وإذا كانوا همّ اللي على حق؟
حصاوي: خلاص يبقى هما اللي يتولوا تعليم الأستاذة والعمداء.
الطالب: وليه لأ.. همّ دول مش بني آدمين ولهم كل الحقوق؟
حصاوي: يعني كل واحد خد الثانوية العامة ينفع يبقى مدرس وأستاذ وعميد.. يبقى لازم نديهم رواتب الأساتذة.
الطالب: هما مش عايزين يدرسوا.. عايزين ياخدوا حقهم في الحرية.
حصاوي: إذا كان كل تلميذ داخل كلية الحقوق مثلاً يعرف كل القوانين يبقى يدخل الجامعة ليه.. وإيه علاقة الحرية بالطبيعة والكيمياء والطب والتجارة وباقي العلوم اللي مفروض داخلين عشان يعرفوها؟
الطالب: أنا بتكلم على حقوقهم السياسية.
حصاوي: ما هي برضو بيدرسها الأساتذة للشباب.
الطالب: بيدرسوها غلط.
حصاوي: من قبل ما يتعملموها.. ولا همّ داخلين عارفينها.
الطالب: الحرية هبة لكل إنسان قبل ما تكون علم.
حصاوي: يبقى مفيش داعي إنهم يدخلوا الجامعة أساسًا.
الطالب: الواقع إن الجامعات عندنا بتمنع الطلبة من استخدام معتقداتهم وآرائهم.
حصاوي: الواقع إن الجامعة بتدرس المعتقدات والآراء والقوانين.. ودي مش آراء ومعتقدات واحدة.. دي اتجاهات كثيرة ومختلفة.
الطالب: لكن هي بتمنعهم يعبروا عن نفسهم.
حصاوي: اللي أعرفه أنها بتمنع المولوتوف والسلاح الأبيض والشماريخ والخرطوش.
الطالب: لأنها بتمنعهم.
حصاوي: ومفيش أي جامعة في الدنيا بتسمح بالحاجات دي أنها تخش الجامعة.
الطالب: الطلبة محتجّين على سياسة الجامعة اللي هي سياسة الحكومة الغاشمة ولو سابت الطلبة يعرضوا برامجهم، ما كنش يضطروا يستخدموا العنف.
حصاوي: حضرتك ناسي إن مش كل الطلبة معاهم.. بالعكس دول الأقلية.. يبقى الحل إيه؟ يسيبوهم على بعض؟ واللي يكسب هو اللي يستخدم عنف أكبر.. ثم البلد فيها أحزاب من كل نوع لكن نشاطها الأساسي مكانه يكون خارج الجامعة وفي المحافظات والقرى والنجوع.
الطالب: خلاصة الكلام أنت حكومى وما ينفعش الكلام معاك.
حصاوي: يبقى لازم قصدك ما ينفعش معايا غير المولوتوف والخرطوش عشان أقتنع.
الطالب: أهو شفت.. يبقى عايز تبلغ عني الشرطة.
حصاوي: أنا راجل غلبان ومليش دعوة بأي حد.. بس لو كنت معاك في الجامعة ولقيتك بتخش بالمولوتوف هبلغ عنك فعلاً.
الطالب: آه يبقى أنا كنت صح.
حصاوي: أمال تفضل ما أبلغش عنك الشرطة وأرميك أنا راخر بالمولوتوف؟
الطالب: وهو أنا ساعتها كنت أسيبك؟
حصاوى: ما سألتش نفسك ليه ما بتحصلش في الجامعات الخاصة الحاجات دي؟
الطالب: لأن الطلبة اللي فيها جبناء و"رجعيين".
حصاوي: لا.. عشان بيدفعوا دم قلبهم عشان يتعلموا وما عندهمش وقت يضيعوه لأنهم عايزين علام بجد.
الطالب: وأنت كمان مش عايز جامعات الحكومة تعلم الناس الغلابة؟
حصاوي: أنت اللي مش عاجبك علام الحكومة.. مش أنا.. ثانيًا فيه كتير من جامعات الأجانب اللي عندهم فلوس متلتلة، ما بياخدوش من الأصل إلا الطلبة النابغين عشان يضمنوا أن خريجيهم يبقوا أفضل من بقية الجامعات فيضمنوا أنهم يقدروا يطوروا بلادهم.
الطالب: قصدك إيه بالظبط؟
حصاوي: قصدي إن الطلبة الفاشلين أو اللي بيتمولوا من الإرهاب لأنهم فقرا همّ اللي عاملين الزيطة دي.. بس خلاص أنت مين فيهم بقى؟
(الطالب يغشى عليه)
1ـ عن "الأعمار"
مطلوب على وجه السرعة مؤتمر دولي لإعادة "أعمار" مصر!
2ـ لماذا لا؟
مادامت الدولة لا تستطيع السيطرة على حرق الفلاحين للأرز ليلًا الذي يلوث الهواء.. لماذا لا تعمل على مراقبتهم ليلاً وياخدوا بدل سهر؟!
3ـ ولماذا نعم؟
لماذا لا يحدث في الجامعات الخاصة ما يحدث في جامعات الحكومة؟
لأنها حاجة ببلاش كده!
4ـ لماذا لا نجرب؟
لماذا تريد منا أمريكا أن نلغي قانون التظاهر المتشدد كما تقول؟
الحل أن نتبنى قانون التظاهر الأمريكي الحنين!
5ـ جملة مفيدة
جملة مفيدة (مصر لم يعد لديها ما يسرق)
إلا الوقت!
6ـ تواضع
حزب النور يستهدف الاستحواذ على أكثر من 20% من أصوات الناخبين
إيه التواضع دا كله؟
7ـ المؤكد
ضبط قنابل "القسام- حماس" وأسلحة آلية في 4 محافظات مصرية
أكيد كانوا هيستخدموها ضد إسرائيل!
