تابع أحدث الأخبار
عبر تطبيق
أكتوبر 2008: سنه أولى أسنان
-ماما عاوز 500 جنيه عشان عاوز اخد كورس اناتومي... عشان ماده رخمه
=يابني انت مش كبرت على موضوع الدروس ده !! انت فاكر نفسك في ثانويه عامه !!
-ياستي ادفعي دلوقتي...كلها سنتين واشتغل وانغنكم...انتي عارفه احنا بنشتغل من واحنا في سنه 3...يعني فلوس بالهبل بقي
أكتوبر 2010: سنه 3 أسنان
-ماما عاوز 2000 جنيه عشان اجيب ادوات للكليه...عشان بدأت انزل اشتغل في عيادات الكليه ولازم اشتري حاجات اشتغل بيها للعيانين مش كفايه بنتعلم فيهم هندفعهم كمان تمن الحاجات !!
وبعدين كلها سنتين واتخرج والفلوس تلعب...وانغنكم
=
أكتوبر 2012: امتياز أسنان
ماما عاوز 3000 جنيه عشان اجيب ادوات وجهاز حشو...عشان المستشفي اللي فيها اللي باخد فيها امتيازي مفيهاش غير خلع بس... وانتي عارفه انا عاوز اتعلم عشان ابقي شاطر
وبعدين انا كلها كام شهر واتخرج رسمي...والمستشفيات تتهافت عليا...انتي عارفه يعني...بقولك هنغنكوااااااااااااااا
=
أكتوبر 2014:
-ماما انا قبلت في ماجستير القصر العيني... قسم التركيبات الثاابته.... وكنت عاوز
= عاوز ايه تاني ؟!!!!!!!!!!!!!!!!!!!! اكيد عاوز فلوس عشان تنغنغنا صح !!
- اه....كنت عاوز 5000 آلاف جنيه عشان ادفع مصاريف الكليه...انتي عارفه كلها 3 سنين واخلص الماجستير...واشتغل بقي شغل كويس في مكان محترم وانغنغكم