(المواطن الغلبان حسن
حصاوى يغشي عليه من حين لآخر، وعندما يفيق لا يفهم ما حدث حوله من تغيرات ولكن
أحيانا يجعل من يسمعه هو الذي يغشي عليه).
(غاب الشاب السلفي عن المقهى وعاد بعد أسبوع فوجده حصاوي سعيدا).
السلفي:
أنت باين عليك الانشكاح .
السلفي:
طبعا أفرح. خبر هايل..عظيم. أهو كده.
حصاوي:
قصدك على رحلة السيسي للأمم المتحدة والخطاب اللي ألقاه هناك؟ فعلا دا قلب
الدنيا
في العالم كله.
السلفي:
لا يا أخي.
حصاوي:
أمال فرحان علي إيه؟
السلفي:
فرحان بالوفاق اللي حصل بين منظمة فتح ومنظمة حماس.
حصاوي:
لا يا شيخ بتتكلم جد؟
السلفي:
أيوه منشور في جرايدنا من كام يوم.
حصاوي:
وبعدين؟
السفلي:
ولا قبلين.
حصاوي:
يعني دلوقت هيحصل أيه؟
السلفي:
المفاوضات بينهم نجحت.. لسه مش فاهم؟
حصاوي:
يعني المفاوضات دي انتهت علي إيه؟
السلفي:
يكفي أنهم اتفقوا على حل المشكلة اللي بينهم.
حصاوي:
جايز.
السلفي:
أنت بتشكك في الخبر؟
حصاوي:
ما أقصدش.. بس من عشر سنيين أو أكتر وهما بيجتمعوا ويتفقوا علي الوفاق
وبعدين
ما يحصلش حاجة.
السلفي:
بلاش التشكيك دا ونغمة اليأس دي اللي ضيعتنا.
حصاوي:
بص أنا فاكر في الستينات مسرحية شفتها عندنا وكتبها واحد شاعر فلسطيني
أظن
اسمه معين بسيسو. كانت علي انقسام حوالي اتناشر منظمة فلسطينية بتقاوم
الاحتلال
الإسرائيلي.وعشان كده ما انتهتش لحاجة.
السلفي:
أنت بتكلمني عن الماضي السحيق؟.إحنا في دلوقت.
حصاوي:
بس هما لسه لحد دلوقت ما أتوحدوش في منظمة واحدة.
السلفي:
وماله الديموقراطية كده.
حصاوي:
طب مش هما يتفقوا لأول علي حاجة وبعد كده لما ياخدوا أرضهم وتخرج إسرائيل منها
يبقوا يتخانقوا سوا ويعلموا بعد كده أحزاب زى ما هم عايزين؟.
السلفي:
مش شرط.
حصاوي:
طب أنت فاكر المرحوم عمر سليمان اللي كان كل شويه يجمعهم ويحاول يصالح
بينهم.
وقعد سنين وبعدين مات وفات بعدها سنين أهو والحال زى ما هو.
السلفي:
أنت ما بتفهمش يا حصاوي. بقولك المرة دي اتفقوا.
حصاوي:
أيوه يعني وصلوا لحاجة محددة. ؟ يعني مين دلوقت اللي هيمثل فلسطين؟ منظمة فتح ولا
منظمة حماس؟ .
السلفي:
الاتنين سوا.
حصاوي:
طب وبقية المنظمات؟
السلفي:
معاهم برضه.
حصاوى:
طب أفرض حصل اللي بتقول عليه؟ تفتكر إسرائيل هتوافق؟.
السلفي:
ما عنهما ما وافقت.الفلسطينين هيحاربوهم أيد واحدة.
حصاوي:
بس منظمة فتح بتفاوض مش بتحارب.
السلفي:
ما فيش مشكلة
حصاوي:
يعني حماس والمنظمات التانية هتحارب لوحدها؟.
السلفي:
ما هي كانت بتحارب أصلا لوحدها تقريبا.
حصاوي:
قصدك منظمات تانية غير حماس اللي كانت بتحارب.دا لو صح أنها كانت حرب فعلا .مش
مجرد إطلاق صورايخ علي إسرائيل.
السلفي:
مش مهم كلهم فلسطينيين
حصاوي:
طب والحرب أو حتى المفاوضات مع إسرائيل هتنتهي علي إيه؟
السلفي:
الحرب مش هتقوم دلوقت.المهم الأول إعادة أعمار اللي أتهدم.وبعدها يا تسلم
إسرائيل
بحقهم. يا أما تتجدد الحرب.
حصاوي:
يعني ما فيش دلوقت أي مشكلة.
السلفي:
حاجة بسيطة وهي أن منظمة فتح في الضفة الغربية تدفع مرتبات الموظفين
والعمال
بدل زعماء حماس.
حصاوي:
وفتح تدفع دا منين وأزاي وهي ما كنتش بتحارب؟.
السلفي:
أمال مين غيرها يدفع؟
حصاوي:
عايز تفهمني أن بتوع حماس فقرا ما عندهمش فلوس ؟
السلفي:
لا طبعا. عندهم فلوس منين ؟
حصاوي:
من الأنفاق اللي بيحفروها بينهم وبين سيناء. والضرائب اللي بياخدوها الحمساويين من
السلع المصرية المدعمة ويحطوها في جيوبهم.
السلفي:
ما تنساش أن إحنا وهما شعب واحد.
حصاوي:
طب ما نختصر ونحارب إحنا إسرائيل بدالهم.
السلفي:
دا كان المفروض من الأول.
حصاوي:
الله أمال إحنا حاربنا في فلسطين من سنة 48 و56 وفي اليمن وفي 67 عشان خاطر مين؟
السلفي:
عشان الوحدة العربية الإسلامية.
حصاوي:
أنا رأيي نحارب الأول رسوم ميكي وبطوط عشان ننقذ أطفالنا من سيطرة الانحلال الغربي
أولا. بس دا مش ممكن يتحقق من غير منظمة داعش.
(السلفي يغشي عليه)
لينين
الرملي
هرش
مخ
الأحد
29سبتمبر 14
1 ــ ليه
لأ؟
الإخوان
يطالبون بإعدام مبارك وكذلك بعض الشباب الثائر.فلماذا لا يلتحقون
بالإخوان؟!.
2ـــ
القضية الصعبة
من
الذين قتل المتظاهرين في ميدان التحرير وغيرها؟ مبارك أم الإخوان
أم
رجال من حماس؟.هل يحتاج الأمر إلي آلاف الصفحات؟!
3ـــ
قلوبنا معكم
السودان
يصر علي أن حلايب وشلاتين أرض سودانية. علي الله ما تنقسمش
السودان
من بلدين إلي ثلاثة!.
4 ــ إن كنت
ناسي
واشنطن
تسعي للحصول علي دعم القاهرة ضد داعش.فكروها بدعم أمريكا
لطرد
روسيا من أفغانستان و ما حصل لها بعدها من بن لادن؟!.
5 ــ الحول
تركيا
تسعي لتنضم إلي الدول الأوربية وتطمح إلي الخلافة الإسلامية في نفس الوقت.
واضح
أن اردوغان مصاب بالحول!.
6 ــ
الفقراء الأثرياء
أسعار
اللحوم ترتفع بمناسبة عيد الأضحى. الظاهر أن الفقراء يأكلون اللحم بكثرة
في
العيد!.
7 ـــ متي؟
متي
نري في مسلسلاتنا وأفلامنا أعمالا بلا مسدسات أو سيوف أو خناجر أو
عاهرات
وعصابات؟!
