قال: تعالى
قلتُ: تعالى
العشق ازاي بيعيش عالة
والكره علينا بيتعالى
قال: تعالى
أنا رحت وجيت
ع النبي صليت
ونويت ولاقيت
حبة حواديت
م الغيط للبيت
القول للفعل بيتعالى
غزّالة غزالها ما يتعالى
عن أمي ست الرجالة
ست الستات أم غزالة
قال: تعالى
قلت : تعالى
سايق عليك النبي
ياللي النبي يرضيك
والعدرا أخت إيزيس
وآمنة لو يرضيك
خليك معانا هنا
لو أرضنا ترضيك
فيه ابتسام بالهنا
للي تحبه عنيك
وفيه كلام للهوا
م اللي تدوب لُه عنيك
وان كان كلام الهوا
من بحرنا يرضيك
اطلع وإسمع هنا
نغم أصيل يرضيك
موّالي من أرضنا
وغنايا نيل يرويك
وكماني من حينا
من حينا نحييك
ونسوق عليك النبي
ياللي النبي يرضيك
العدرا أخت إيزيس
ومينا لو يرضيك
رفض يعيش عالة
قال : تعالى
قلت: تعالى
جيكا تعالى
طرح رجالة
ابن امه ست الرجالة
ست الستات أم غزالة
غزّالة غزالها ما يتعالى
قال: تعالى
قلت: تعالى
