_جبتى الفستان ولا لأ ؟؟
_....
_ مالِك ؟! حاسِّك مش مبسوطة ؟؟
_ ممكن يا أحمد أسألك سؤال ؟
_أوى..
_هو أنا لونى المفضل إيه ؟
_...
_ بلاش.. طب أكتر أغنية عجبتنى في ألبوم جنات الأخير ؟
_...
_ صانداى بتاع ماك اللى بجيبه.. بجيبه بطعم إيه ؟
_...
_ ساكت يعنى ؟
_إنتى جايه تسألينى الأسئلة دى وفرحنا كمان يومين ؟..
_ أحمد أنا منمتش من إمبارح من كتر ما قعدت أفكر إذا كنت إنتا فعلا ال Soul mate بتاعى ولا لأ ؟
_ بصى يا بنت الناس..
_....
_ أنا عارف إنك كنتى بتحبى واحد زمان اسمه شريف أيام الجامعة وكنتو بتخرجو سوا وكان يعرف لونك المفضل وأغانيكى المفضلة وصانداى بتاع ماك اللى بتحبيه كمان والكلام الفاضى دا كله.. وعارف إنه قعد يكوّن نفسه عشانك واتقدملك بس أبوكى أقنعك إنه مينفعكيش عشان كان ماشى بعربية سبعة وعشرين والشقة اللى كان جايبها كانت تسعين متر ومش بحرى.. وعدت الأيام وأبوكى حب يبقى شريك لرجل أعمال كبير فاتح شركة مقاولات وعنده فيلا في التجمع الخامس وابنه خريج هندسة AUC واسمه أحمد.. المهم إنتى أول ماشوفتي أحمد راكب بى إم قولتى لأبوكى: هو دا يا بابا اللى أنا عايزاه، ونسيتى شريف.. فيا روح خالتك الكلام بتاع سولميت ومش سولميت ده تروحى تقوليه لحد تانى ؟؟ ماشى ؟؟
_ طيب..
_جبتى الفستان ولا لأ ؟
_نازلة أشتريه بكرة.
_....
_ مالِك ؟! حاسِّك مش مبسوطة ؟؟
_ ممكن يا أحمد أسألك سؤال ؟
_أوى..
_هو أنا لونى المفضل إيه ؟
_...
_ بلاش.. طب أكتر أغنية عجبتنى في ألبوم جنات الأخير ؟
_...
_ صانداى بتاع ماك اللى بجيبه.. بجيبه بطعم إيه ؟
_...
_ ساكت يعنى ؟
_إنتى جايه تسألينى الأسئلة دى وفرحنا كمان يومين ؟..
_ أحمد أنا منمتش من إمبارح من كتر ما قعدت أفكر إذا كنت إنتا فعلا ال Soul mate بتاعى ولا لأ ؟
_ بصى يا بنت الناس..
_....
_ أنا عارف إنك كنتى بتحبى واحد زمان اسمه شريف أيام الجامعة وكنتو بتخرجو سوا وكان يعرف لونك المفضل وأغانيكى المفضلة وصانداى بتاع ماك اللى بتحبيه كمان والكلام الفاضى دا كله.. وعارف إنه قعد يكوّن نفسه عشانك واتقدملك بس أبوكى أقنعك إنه مينفعكيش عشان كان ماشى بعربية سبعة وعشرين والشقة اللى كان جايبها كانت تسعين متر ومش بحرى.. وعدت الأيام وأبوكى حب يبقى شريك لرجل أعمال كبير فاتح شركة مقاولات وعنده فيلا في التجمع الخامس وابنه خريج هندسة AUC واسمه أحمد.. المهم إنتى أول ماشوفتي أحمد راكب بى إم قولتى لأبوكى: هو دا يا بابا اللى أنا عايزاه، ونسيتى شريف.. فيا روح خالتك الكلام بتاع سولميت ومش سولميت ده تروحى تقوليه لحد تانى ؟؟ ماشى ؟؟
_ طيب..
_جبتى الفستان ولا لأ ؟
_نازلة أشتريه بكرة.
