أثارت فتوي الأزهر الشريف حول تحريم الشات بين الجنسين عبر مواقع التواصل الاجتماعي فيس بوك وتويتر ردود فعل واسعة ومتباينة بين مؤيد ومعارض بين مستخدمي مواقع التواصل الاجتماعي..
وتأتي هذه الفتوى في الوقت الذي أصدرت فيه وزارة الشباب بالتعاون مع وزارة الصحة قرار بمنع الاختلاط داخل صالات الجيم والساونا وتوحيد جنس مقدم الخدمة ومتلقيها.
فيما انهالت تعليقات مستخدمي مواقع التواصل الاجتماعي ساخرة من تزامن الفتوي والقرار، حيث علق أحد الأفراد قائلا: "تحريم الشات بين الجنسين، منع الاختلاط داخل الصالات الرياضية أنا مش فاهم.. ليه الحقد ده".
وعلق مستخدم آخر قائلا: "بعد فتوي تحريم الشات بين الجنسين، اقترح بإنشاء هيئة الأمر بالريموف والنهي عن الـ add ".
وعلق ثالث قائلا: " بعد تحريم الشات بين الجنسين، كده العالم انتهى فعلا في 2012 واحنا دلوقتي في عذاب القبر ".
كما علقت انجي عصام أحد مستخدمي موقع التواصل الاجتماعي تويتر "انا مع الفتوي بتحريم الشات بين الجنسين، اصلا كلمة شات دي دخيلة على ثقافتنا وممكن تبوظ العيال.. ".
فيما طالب أحمد العسكري مستخدمي مواقع التواصل الاجتماعي بمسح قوائم الاصدقاء حيث قال "دار الافتاء تحرم الشات بين الجنسين، يلا كل واحد زي الشاطر يمسح اللي عنده، انت يا استاذ اللي في الآخر مسحت اللي عندك وانتي يا آنسة !!
فيما علق أحد النشطاء قائلا تحريم الشات بين الجنسين على كده الكلام في التليفون احتمال يطلع من الكبائر ".
فيما قال أحد مستخدمي موقع التواصل الاجتماعي فيس بوك "بعتذر للاخوات، محدش يكلمني شات، مش هرد، الاختلاط في الشات حرام".
فيما ابدي بعض النشطاء موافقة لهذه الفتوي، قال مصطفى على حسابه في تويتة "بالنسبة للهري نحو فتوى الشات بين الجنسين حرام.. هو امتى كان حلال اصلا ! ".
بينما قال محمد محمدى عمر " بعد الاعطال الكثيرة في الشات الخاص بالفيس بوك دار الإفتاء تصدر فتوى تحريم الشات بين الجنسين إلى أن يقوم مارك بتعديل الشات وإضافة صوت وصورة " .
أما وليد عبدالله " فيه ناس بررت قرار الجيم وبتهاجم فتوى الشات، الناس دول عندهم أي قرار للحكومة حلال.. لكن أي حاجة من أي حتة تانية.. حرام عشان الحكومة أجدع ناس).
نجاد البرعى المحامى والناشط الحقوقى قال "طيب لو داعش وصلت مصر هتعمل فينا ايه أكثر من اللى بتعمله دار الافتاء بفتاويها إياها.. انا مش عارف لمصر عدلة بصراحة ".
وقال سيد محمود: فتوى تحريم الشات دي، ضمنت المعصية لنحو ٨٠ في المئة من المصريين".
قال بهاء بسطاويسي: طلعت فتوى إن الشات حرام وأحد مداخل الشيطان بكدة محتاجين محرم في كل شات يا جدعان " .
وقال شامل: طب ما هو تعريف "الشات" بالنسبة لدار الإفتاء؟ وبعدين ايه اصل الفتوى؟ طلعوها من نفسهم كدة ولا حد طلب فتوى؟
وقال عمورى: "نيفين خايفة تتكلم معايا بعد فتوى أن الشات بين الولاد والبنات حرام".
وقال محمد على معلقا على صورة تداولها النشطاء على فيس بوك " بلاش شات يا سامية تعالي سكايب
ورد عليه محمد ماهر: خلاص تعالى واتس ياساميه ".
قالت نورهان فهمى: " مدام أن التشات بابليك ومفيش فيلينج يبقى سوووو وات "
وقال أحمد: " احنا وصل بينا الحال اننا نتريق ع دار الافتاء واللي بتطلعه ؟؟؟
