(المواطن الغلبان حسن حصاوي يغشى عليه من حين لآخر، وعندما يفيق لا يفهم ما حدث حوله من تغيرات ولكن أحيانا يجعل من يسمعه هو الذي يغشى عليه).
(حصاوي جالس بالمقهى يأتي شاب سلفي ويجلس في المائدة المجاورة له)
السلفي (وهو يهوي بالجريدة): أف، أعوذ بالله من غضب الله، الواحد طهق من عيشته.
حصاوي: فعلا، فين إحنا من أيام زمان.
السلفي: مش كده والنبي؟ شايف حتى في القهوة النور بينقطع وينقطع معاه المية وحتى التكييف بيتعطل.
حصاوي: أنا عن نفسي ما بيهمنيش، حياتي ماشية عادية خالص.
السلفي: إزاي بقى؟
حصاوي: بنام بعد العشا وأصحى في الفجر.
السلفي: اللهم قوي إيمانك، وطبعا بتصلي الفرض بفرضه.
حصاوي: أمال بس لما تكون الميه مش مقطوعة.
السلفي: لأ، لازم تحوش الميه عشان تتوضى.
حصاوي: المشكلة بالليل على الأخص، أصلي ساكن فوق السطوح ولما أنزل من سابع دور في الضلمة بقع على السلالم لأن النور مقطوع والسلم مكسر.
السلفي: بس مكتوب لك عند ربنا.
حصاوي: حضرتك من هيئتك كده سلفي، تمام؟
السلفي: الحمد لله.
حصاوي: بس أنت متضايق من الضلمة ليه؟ ما أنت ممكن تدخل حزب النور.
السلفي: ما هو بينقطع عندنا برضه .
حصاوي: الله؟ كأن زيك زى الكفار بقى.
السلفي: أعوذ بالله، وهو الواحد يعيش ازاي من غير نور؟
حصاوي: بس المسلمين الأوائل ما كنش عندهم نور وقعدوا كتير ع الحال دا، ومع ذلك فتحوا نص بلاد العالم.
السلفي: بس دي مش عيشة.
حصاوي: لأ كانوا عايشين، أنت عندك تكييف؟
السلفي: أيوه ودي فيها عيب؟ حرام؟
حصاوي: لأ بس ما جاش حاجة بخصوص التكييف، لا سنة ولا حديث، يعني ممكن تبطل تشغل التكييف ولو عمل حزب النور زيك جايز الكهربا تكفينا.
السلفي: وأموت أنا في عرقي؟
حصاوي: السلف الصالح كانوا عايشين في الحر والعرق، مش كده وبس وكانوا بيحاربوا كمان.
السلفي: وإحنا أيش وصّلنا ليهم.
حصاوي: بسيطة خالص اعمل زيهم.
السلفي: بس إحنا مش في حالة حرب.
حصاوي: إزاي دي الحرب حواليك من كل ناحية.
السلفي: ما فيش غير غزة الجريحة.
حصاوي: وفي ليبيا وفي العراق وفي سوريا وفي السودان ولبنان وغيره، مش كل دي ميادين للجهاد؟
السلفي: وأنا هحارب لوحدي؟
حصاوي: لأ أنت واللي زيك.
السلفي: والباقي ما يحاربش؟
حصاوي: الباقي ربنا يعاقبه أو يسامحه.
السلفي: لأ بقي دا أنت عايزنا نموت.
حصاوي: أستغفر الله العظيم، ولو أن لو مت أنت واللي زيك هتبقوا عملت عمل جبار تُشكروا عليه.
السلفي: إزاي بقى؟
حصاوي: لأنكم كلكم هتموتوا وأنتم ضامنين الجنة ونعيمها.
السلفي: وإيه رأيك إننا مستعدين فعلا للموت.
حصاوي: بس الجمال ما تنفعش في الحرب قصاد الدبابات.
السلفي: ومين قالك إننا هنحارب بالجمال؟
حصاوي: مش دي عادة السلف الصالح؟ ولا كان عندهم طيارات، كانوا بيحاربوا بالسيوف والخناجر.
السلفي: الحرب خدعة ويجوز لنا نحارب بأي اختراع جديد.
حصاوي: حتى لو شاريينه من بلاد الكفرة؟
السلفي: أيوه، قولي بقى أنت بتحارب مين؟
حصاوي: أنا بحارب في بلدي لأنها أولى من غيرها.
السلفي: طب ما تخش حزب النور وتحارب معانا.
حصاوي: مقدرش.
السلفي: ليه بقي؟
حصاوي: لأني بحارب اللي زيك.
( السلفي: يغشى عليه )
لينين الرملي
462
هرش مخ
10 أغسطس 14
1ـــ طولة العمر
بعد الحكم في أول قضية لرئيس مصر السابق والأسبق وهما أحياء، هل نرى محاكمة الرئيس ناصر في القضية المرفوعة من أسرة عبد الحكيم بتهمة سم صديق العمر؟
26
2 ـــ وسيلة فعالة
وسيلة فعالة لنعرف بها لماذا حدثت لنا نكسات ولعدة مرات، وهي جمع كل أغاني ثوراتنا قبل وقوع الهزائم وعرضها للتحليل النفسي.
20
3ـــ الحل
لا تقلقوا ستعود كل المشاكل والقتل والانقسامات بين منظمة التحرير وبين الإخوان في حماس، بمجرد انسحاب إسرائيل!.
18
4ـــ بشرط
شرط وحيد على أجندة منظمة حماس وهو فتح مصر لمعبر رفح كشرط لتعفي أهل غزة من القتل بأيدي إسرائيل!.
20
5ـــ ولا إيه؟
قال محلب لأوباما في أمريكا ( أن مصر جزيرة سلام في محيط مضطرب)، يبدو إنه كان قاصد يزعل أوباما ولا إيه ؟!
21
6 ــ الظلام
عنوان في صحفنا ( مصر تغرق في الظلام) .قصدهم طبعا انقطاع النور. لحسن تفكر معاذ الله إن الحديث عن انقطاع التنوير!.
20
7ــ الشريعة
النائب العام يحيل 23 من أنصار الشريعة للجنايات بتهمة قتل ضابط و11 فرد شرطة.
ليه وليه ؟ لأنهم كانوا بيطبقوا الشريعة!.
21
(حصاوي جالس بالمقهى يأتي شاب سلفي ويجلس في المائدة المجاورة له)
السلفي (وهو يهوي بالجريدة): أف، أعوذ بالله من غضب الله، الواحد طهق من عيشته.
حصاوي: فعلا، فين إحنا من أيام زمان.
السلفي: مش كده والنبي؟ شايف حتى في القهوة النور بينقطع وينقطع معاه المية وحتى التكييف بيتعطل.
حصاوي: أنا عن نفسي ما بيهمنيش، حياتي ماشية عادية خالص.
السلفي: إزاي بقى؟
حصاوي: بنام بعد العشا وأصحى في الفجر.
السلفي: اللهم قوي إيمانك، وطبعا بتصلي الفرض بفرضه.
حصاوي: أمال بس لما تكون الميه مش مقطوعة.
السلفي: لأ، لازم تحوش الميه عشان تتوضى.
حصاوي: المشكلة بالليل على الأخص، أصلي ساكن فوق السطوح ولما أنزل من سابع دور في الضلمة بقع على السلالم لأن النور مقطوع والسلم مكسر.
السلفي: بس مكتوب لك عند ربنا.
حصاوي: حضرتك من هيئتك كده سلفي، تمام؟
السلفي: الحمد لله.
حصاوي: بس أنت متضايق من الضلمة ليه؟ ما أنت ممكن تدخل حزب النور.
السلفي: ما هو بينقطع عندنا برضه .
حصاوي: الله؟ كأن زيك زى الكفار بقى.
السلفي: أعوذ بالله، وهو الواحد يعيش ازاي من غير نور؟
حصاوي: بس المسلمين الأوائل ما كنش عندهم نور وقعدوا كتير ع الحال دا، ومع ذلك فتحوا نص بلاد العالم.
السلفي: بس دي مش عيشة.
حصاوي: لأ كانوا عايشين، أنت عندك تكييف؟
السلفي: أيوه ودي فيها عيب؟ حرام؟
حصاوي: لأ بس ما جاش حاجة بخصوص التكييف، لا سنة ولا حديث، يعني ممكن تبطل تشغل التكييف ولو عمل حزب النور زيك جايز الكهربا تكفينا.
السلفي: وأموت أنا في عرقي؟
حصاوي: السلف الصالح كانوا عايشين في الحر والعرق، مش كده وبس وكانوا بيحاربوا كمان.
السلفي: وإحنا أيش وصّلنا ليهم.
حصاوي: بسيطة خالص اعمل زيهم.
السلفي: بس إحنا مش في حالة حرب.
حصاوي: إزاي دي الحرب حواليك من كل ناحية.
السلفي: ما فيش غير غزة الجريحة.
حصاوي: وفي ليبيا وفي العراق وفي سوريا وفي السودان ولبنان وغيره، مش كل دي ميادين للجهاد؟
السلفي: وأنا هحارب لوحدي؟
حصاوي: لأ أنت واللي زيك.
السلفي: والباقي ما يحاربش؟
حصاوي: الباقي ربنا يعاقبه أو يسامحه.
السلفي: لأ بقي دا أنت عايزنا نموت.
حصاوي: أستغفر الله العظيم، ولو أن لو مت أنت واللي زيك هتبقوا عملت عمل جبار تُشكروا عليه.
السلفي: إزاي بقى؟
حصاوي: لأنكم كلكم هتموتوا وأنتم ضامنين الجنة ونعيمها.
السلفي: وإيه رأيك إننا مستعدين فعلا للموت.
حصاوي: بس الجمال ما تنفعش في الحرب قصاد الدبابات.
السلفي: ومين قالك إننا هنحارب بالجمال؟
حصاوي: مش دي عادة السلف الصالح؟ ولا كان عندهم طيارات، كانوا بيحاربوا بالسيوف والخناجر.
السلفي: الحرب خدعة ويجوز لنا نحارب بأي اختراع جديد.
حصاوي: حتى لو شاريينه من بلاد الكفرة؟
السلفي: أيوه، قولي بقى أنت بتحارب مين؟
حصاوي: أنا بحارب في بلدي لأنها أولى من غيرها.
السلفي: طب ما تخش حزب النور وتحارب معانا.
حصاوي: مقدرش.
السلفي: ليه بقي؟
حصاوي: لأني بحارب اللي زيك.
( السلفي: يغشى عليه )
لينين الرملي
462
هرش مخ
10 أغسطس 14
1ـــ طولة العمر
بعد الحكم في أول قضية لرئيس مصر السابق والأسبق وهما أحياء، هل نرى محاكمة الرئيس ناصر في القضية المرفوعة من أسرة عبد الحكيم بتهمة سم صديق العمر؟
26
2 ـــ وسيلة فعالة
وسيلة فعالة لنعرف بها لماذا حدثت لنا نكسات ولعدة مرات، وهي جمع كل أغاني ثوراتنا قبل وقوع الهزائم وعرضها للتحليل النفسي.
20
3ـــ الحل
لا تقلقوا ستعود كل المشاكل والقتل والانقسامات بين منظمة التحرير وبين الإخوان في حماس، بمجرد انسحاب إسرائيل!.
18
4ـــ بشرط
شرط وحيد على أجندة منظمة حماس وهو فتح مصر لمعبر رفح كشرط لتعفي أهل غزة من القتل بأيدي إسرائيل!.
20
5ـــ ولا إيه؟
قال محلب لأوباما في أمريكا ( أن مصر جزيرة سلام في محيط مضطرب)، يبدو إنه كان قاصد يزعل أوباما ولا إيه ؟!
21
6 ــ الظلام
عنوان في صحفنا ( مصر تغرق في الظلام) .قصدهم طبعا انقطاع النور. لحسن تفكر معاذ الله إن الحديث عن انقطاع التنوير!.
20
7ــ الشريعة
النائب العام يحيل 23 من أنصار الشريعة للجنايات بتهمة قتل ضابط و11 فرد شرطة.
ليه وليه ؟ لأنهم كانوا بيطبقوا الشريعة!.
21
