المواطن في رمضان بيبقى عصبى حبتين شوية يعنى لما يدخل على الفيس مثلًا ويلاقى كل شوية اعرف مين زار بروفايلك تلاقى بيقولى ( مش عايز اعرف مين اللى زار بروفايلى ) ويزود عليهم ( ومش عايز اتفرج على المشاهد المحذوفة في مسلسل هيفاء وهبى ) اللهم انى صائم !
ولا عايز اكتب اسمى على كانز كوكا كولا، ولا عايز حد يكلمنى أصلًا،
ولما يتفرج على التليفزيون يقولك مين عايز اقوم اطمن على فلوسى ( معنديش اصلا)، ( ولا عايز اسكن في ماونتن فيو )، ولا عايز اشوف هانى رمزى وهو بيغنى ( لقطونيل ) كرهت ( قطونيل بسببه )!
وفجأة ومع ( الصياد ) انا مش عارفنى انا توهت منى انا مش انا..انت مين ياعم ؟ ومع الوصايا السبع من الأخر ( الجثة هاتظهر ولا لا )؟، ومع ( مصطفى شعبان ( توبنا إلى الله ) !
وفى النهاية كفاية حرام ( ارحمونا ) ولسان حال رمضان ( لقد اوشكت على النفاذ) !
