أنا فتاة من أسرة ثرية جدا أحب شابًا زميلى لكنه مش من مستوايا يادوب باباه ومامته اساتذه في الجامعة ويادوب عنده شقة في مصر الجديدة ويادوب عربية موديل السنة دى ويادوب هيسفرنى مرة واحدة في السنة لباريس علشان امكانياته ماتسمحش بأكتر من كدة ويادوب هيجيب لى شبكة بـ 120 ألف، ويادوب هيعمل لى شهر عسل في لندن، خايفة اوى امكانياته المحدودة دى تكون سبب المشاكل بنا وتضيع الحب ومانقدرش نعيش بالامكانيات البسيطة دى.
الرد
عزيزتى انت محقة تماما فإمكانياته دى يادوب ياكل عيش حاف ومش من حقه يفكر في الجواز من امثالك ابدا علشان كدة ارجوكى ابعتى لى عنوانه علشان نجمع له مساعدات مادية، اما بالنسبة لك اللى زيك يادوب تتجوز على بابا!
