تابع أحدث الأخبار
عبر تطبيق
هى : كل دى موائد رحمن هى الناس مش بتجوع غير فى رمضان ( مائدة فيفى عبده )، ( مائدة ياسمين عبد العزيز ) ،( مائدة الحاج شندى واولاده ) هو فى اية ؟ هى ليه موائد الرحمن مش طول السنة ؟
هو : اصل الناس مش بيبقى معاها فلوس الا فى رمضان بس
هى: طب ليه احنا مانفطرش بره ونجرب أى مائدة من موائد الرحمن؟
هو: هو مش حضرتك بتطبخى فى البيت برضو واحنا مستورين والحمدلله ...نفطر بره ليه؟
هى : عادى ...اصل بصراحة ( مائدة الحاج صبحى ) اللى على ناصية الشارع مغرية اوى
هو : خلاص ياحبيبتى يلا ننزل نفطر
هى : بجد..طب استنى اشوف فى مكان لينا ولا لا ...( تنظر من البلكونة): اية دا مفيش مكان ولا كرسى فاضى
هو: انما الأعمال بالنيات ..هنفطر فى البيت ياحياتى
هى: بس للاسف مفيش فطار ( انا ماطبختش )
هو: خلاص ياحياتى انا هنزل افطر عند الست الوالدة وحضرتك خديلك كرسى وانزلى افطرى على مائدة الحاج صبحى ...ونلتقى بعد الفطار!