( المواطن الغلبان حسن حصاوى يغشي عليه من حين لآخر. وعندما يفيق لا يفهم ما حدث حوله من تغيرات ولكن أحيانا يجعل من يسمعه هو الذي يغشي عليه).
( حصاوي جالس بالمقهى يحضر نفس الشاب الذي جاء في الأسبوع الماضي وسأله عن المثقف)
الصديق هو صاحبك مش جاي الأسبوع دا برضه؟
حصاوي والله علمي علمك. أقعد يمكن ييجي.
الصديق ( وهو ينفخ بغيظ ) أنا زهقت ومليت أنا محتاجة ضروري.
حصاوي خير فيه حاجة حصلت؟
الصديق المشكلة أن ما فيش حاجة بتحصل.القمع لسه موجود والاعتقالات موجودة والشباب مضطهدين كأنهم مش موجودين ولسه قانون منع المظاهرات ساري وطبعا بيعتقلوا كل واحد بيتظاهر. ثورة إيه دي؟.إحنا عايشين في دكتاتورية.
حصاوي هو حضرتك ناصري؟
الصديق وهي دي تهمة ؟ طبعا ناصري وأفخر بذلك.
حصاوي وهو عبد الناصر كان ديموقراطي؟
الصديق طبعا لأنه كان واقف مع الشعب.
حصاوي بس دا جه بانقلاب.
الصديق ولو لكن الشعب أيده فورا.
حصاوي بس أنت نسيت أن الانقلاب جاب محمد نجيب رئيس جمهورية قبل منه.
الصديق محمد نجيب ما كنش ينفع.
حصاوي مين اللي قالك كده؟
الصديق كل الناس والشعب.
حصاوي اللي أعرفه أنه منع أسمه يطلع في الجرايد أو في الأخبار لا بخير ولا بشر.
الصديق عشان تعرف أن ناصر كان كريم
حصاوي يعني لو حد أعتقلك وحطك مع الكلاب يبقي كريم؟ ثم إذا كنت قريت التاريخ كنت عرفت أن الناس كان بتحبه وتهتف باسمه.ولولا أن ناصر مش منع المظاهرات
وبس دا منع أي تجمع من خمسة أفراد.
الصديق دي إشاعات ما تخشش دماغي.
حصاوي ما خشتش عشان أنت ما قريتش وما كنتش موجود وقتها. ودلوقت بتطالب بالمظاهرات.
الصديق دا حقي.يمنعوني ليه؟
حصاوي ما حدش منعك. هو اسمه قانون المظاهرات ولما تطبقه ما حدش هيمنعك.
الصديق دا قيد علي الحرية والديموقراطية.
حصاوي أنت مش عايز حرية وديموقراطية؟ خلاص هات قانون التظاهر بتاع انجلترا أو
أمريكا أو فرنسا أو أي قانون يعجبك وترجمه عشان نعمل زيه.
الصديق إحنا مالناش دعوة بحد.لازم تبقي لنا خصوصية.
حصاوي يعني نبقي أحسن منهم؟
الصديق وليه لأ؟
حصاوي أشمعني في الديموقراطية والحرية نبقي أحسن منهم. بأمارة إيه ؟ عندنا اقتصاد
زيهم أو تنمية زيهم؟
الصديق المفروض يبقي عندنا حقوق إنسان الأول.
حصاوي طب الأجانب عندهم ملاهي وكباريهات وعندهم تحرر في كل حاجة تقريبا .رأيك نعمل زيهم ؟
الصديق لأ طبعا.
حصاوي طب نحرم الفرجة علي كاس العالم لأنه حرام؟
الصديق طبعا لأ
حصاوي ليه وهما السلفيين كخا ؟ ما هما كمان عندهم يخرفوا زي ما هما عايزين.
الصديق لا طبعا دا كلام فارغ.
حصاوي أشمعني بقي؟ ثم أحنا عندنا تحرش جنسي وعندنا انتهاك للستات والبنات وحتى
الأطفال.وعندنا زواج للقاصرات وخطف وقتل وعنف.
الصديق أنا ضد دا كله بس ناخد الحرية والديموقراطية الأول.
حصاوي رشح نفسك في مجلس الشعب وأطلب اللي أنت عايزه
الصديق أنا قاطعت الدستور والرئاسة وهقاطع مجلس الشعب.
حصاوي أمال حضرتك قاعد تتكلم بناءا علي إيه؟
الصديق أنا ناشط سياسي.
حصاوي وأنا ممكن أقول علي نفسي أني ناشط سياسي.
الصديق بإمارة إيه؟
حصاوي وأنت ناشط بإمارة إيه ؟ معاك كارنية أو شهادة بكده؟
الصديق أنا حر.
حصاوي وأنا حر وهطبع كارت أكتب عليه أني ناشط سياسي.
الصديق واحد في سنك ما ينفعش يبقي ناشط. لأنك كبير في السن.
حصاوي وإحنا داخلين ماتش ملاكمة؟ أنا ناشط لأن عقلي ناشط أكتر منك, ولا ما حدش
علمك كده؟
الصديق أنا غلطت أني بتكلم مع واحد عجوز زيك وعامل ناشط. دي هزلت.
حصاوي وأنا هجيب جرسون القهوة يضربك علقة عشان نشوف نشاطك واصل لأيه؟
يا جرسون. ..تعال شوف الأخ ده.
( الصديق يغشي عليه )
لينين الرملي
537
هرش مخ
الأحد 22 يونيه 14
1ـــ بالتوفيق يا رب
داعش البريطانية تهدد بهجمات في لندن.أدعوا معي ربنا يوفقها إلي خراب بريطانيا!
12
2 ـــ مش أي حد
الجامعة العربية تدعو العراقيين للوفاق.طبعا كل العراقيين سوف يستجيبون فورا.
دا الجامعة العربية مش أي حد!
16
3ـــ مؤمنون ومسلمون
الدفاع في قضية الهروب من وادي النطرون طلب تأجيل الجلسات في رمضان
للاعتكاف. طب ما هم مؤمنين أهم.عايزين إيه تاني يا ظلمة ؟!.
20
4ـــ تهور
الدولة وضعت يدها علي أموال الإرهابيين بالتحفظ علي محال (زاد) ز ( سعودي).
لاستخدام أموالهم لتنشيط الإرهاب. ليه السرعة دي, في التأني السلامة؟!
23
5 ــ يا للهول
أفتي ياسر برهامي السلفي بأن مشاهدة مباريات كأس العالم حرام شرعا,حيث
تظهر أفخاذ اللاعبين.هل أفخاذهم تثير أعضاء حزب النور إلي هذا الحد!؟
22
6ـــ ثورة التعليم
مجموعة من الطلاب قرروا عمل ثورة أمام وزارة التربية والتعليم بعد نهاية الامتحانات.ووضع منهجا جديدا لتعليمهم, ربما لتقنين تسريب الامتحانات!
20
7ــ النور
حزب النور السلفي يفتي قبل دخول البرلمان بفتاوى عجيبة.لماذا لا يحرمون الكهرباء
الذي لم يكن موجودا عند الأسلاف؟!.
18
