(المواطن الغلبان حسن حصاوي يغشى عليه من حين لآخر، وعندما يفيق لا يفهم ما حدث حوله من تغيرات، ولكن أحيانا يجعل من يسمعه هو الذي يغشى عليه).
حصاوي ( حصاوي يدخل المقهى فيجد المثقف وأمامه رزمة من الصحف والمجلات)
حصاوي: إنت منهمك في إيه دا كله؟
المثقف: أصل المعركة هتبقى مثيرة المرة دي.
حصاوي: تقصد المعركة مع الإرهاب؟
المثقف: أصلك جاهل وغير مثقف.
حصاوي: طب فهّمني بشويش من غير زفارة لسان.. معركة إيه كفى الله الشر؟
المثقف: المعركة الانتخابية يا حصاوي يا ابن الحمار.
حصاوي: برضه؟ إنت بتشوف أفلام عربي الأيام دي؟ ما أنا ممكن أقولك يا أبو عقل تخين.
المثقف ( ضاحكًا ): حتى الشتيمة مش عارف تشتم زي الناس؟
حصاوي: أصل أبويا ما كنش معاه فلوس عشان يدخلني الجامعة.
المثقف: الحمد لله.
حصاوي: وإلا كنت طلعت غلباوي ع الفاضي وقليل التربية زي حضرتك.
المثقف: طب قوم ابعد بعيد عني، مش هقولك على حاجة.
حصاوي: أحسن، يعني هيفوتني إيه؟
المثقف: يفوتك معركة الانتخابات على رئاسة الجمهورية يا فسل.
حصاوي: وهي لسه؟ ما المعركة انتهت خلاص.
المثقف: إنت أكيد بتحشش أو بتاكل داتورة.
حصاوي: أنا برضه ؟
المثقف: أنا عمري ما شميت ريحة المخدرات.
حصاوي: ما أنت مخدر من غير حاجة، وإلا كنت عرفت أن الانتخابات خلصت والنتيجة أعلنت من مدة.
المثقف: هاهاي، دا أنت مش هنا خالص، ومين اللي كسب بقى؟
حصاوي: إنت كل دا ما عرفتش؟ عبد الفتاح السيسي طبعًا، دي مش محتاجة فكاكة.
المثقف: عشان يعني حمدين لسه ما قدمش أوراقه؟ هيقدمها بكرة والعبرة بالصندوق
يا جاهل.
حصاوي: دا فيه جرنان أمريكاني طلع إمبارح بيقول أن السيسي هيكسب الانتخابات من
أول جولة، يعني هياخد أصوات تعدي الخمسين في المية، يعني من غير منافس يعيد معاه.
المثقف: استحالة.
حصاوي: يمكن حمدين بس ما بيقراش الجرايد الأجنبية.
المثقف: وهو يصدق كلام الأجانب ليه؟
حصاوي: لأنهم بالذات كان نفسهم أن السيسي يسقط، وبعدين تعالى قولي: أنت هترشح مين؟
المثقف: قلت لك إني لسه ما خدتش القرار، لما أشوف برنامج كل واحد، بس عجبني تصريح لحمدين بيقول أنه هيلغي قانون التظاهر.
حصاوي: طبعًا؛ لأنه ناوي يعمل مظاهرة كل يوم بعدما يسقط في الانتخابات، وبعدين قولي هو أمريكا والغرب كله ما فيهوش قانون للتظاهر؟
المثقف: وليه ما نكونش إحنا أحسن منهم؟
حصاوي: بأمارة إيه؟ إنكم يا مسقفين بليتونا بالإخوان؟
المثقف: أنا في الانتخابات اللي فاتت ما ادتش صوتي لحد.
حصاوي: لا فالح، ودا بقى بتعتبره نضال ؟ وفيه غ يرك عاملين مسقفين زيك إدوا أصواتهم لمرسي، ورجعوا قالوا إنهم كانوا حمير، تنكر؟
المثقف: أنا ماليش دعوة بحد، يكفي أن المرشح السابق خالد علي قرر أنه ما يرشحش نفسه المرة دي حتى لا تتفتت الأصوات بينه وبين حمدين، ودا منتهى إنكار الذات.
حصاوي: ضحّكتني يا شيخ، بس فيه خبر مش كويس بالنسبة لك.
المثقف: إيه هو؟
حصاوي: أصل الإخوان أعلنوا مقاطعتهم للانتخابات الرئاسية، قولي بقى ساعتها حمدين يتصرف إزاي؟
المثقف: هو أعلن أنه ما لوش علاقة بالإخوان.
حصاوي: بس ما أعلنش أنه ضدهم ومش عايز أصواتهم.
المثقف: المهم ما يبقاش فيه تزوير في الانتخابات؛ لأن حملة حمدين اشتكوا من تعرضهم
لتضييق أمني، وإن فيه فلوس بتدفع لصالح منافسه، دا غير أن الوزراء والمحافظين والمسئولين بيشتغلوا لصالحه من دلوقت.
حصاوي: لو دا صحيح يبقى فيه خوف على السيسي.
المثقف: شفت؟ مش بقولك؟
حصاوي: أصل لو دا حصل فعلا، السيسي ممكن يخسر بعض الأصوات؛ لأن المعروف إن الشعب لا بيحب الوزرا ولا المحافظين ولا المسئولين ولا المسقفين اللي زى حضرتك.
( المثقف يغشى عليه )
لينين الرملي
534
هرش مخ
الأحد 20 أبريل 14
1 ــ إضرابهم بركة
إضراب الأطباء العاملين بوزارة الصحة منذ 8 مارس مستمر للأبد، فحتى إذا مرض أحدهم لا يعالجه زملاؤه بل يذهبون للأطباء اللي بجد!
21
2_ عايز حقي
مليون و92 ألف حالة تعدي على الأراضي منذ ثورة 25 يناير، اشمعنى أنا؟ أنا عايز حقي.
اعملوا لي ثورة كمان!
18
3- أين الحرية ؟
الحكومة تمنع رؤيتنا لصدور الممثلات في الأفلام، فين بقى الحرية اللي بتقولوا عليها يا ظلمة ؟
16
4 ــ مبادئنا
تقوم الجامعات على مبدأ التفكير والبحث العلمي، وعندنا تقوم على مبدأ التكفير والبحث عن المولوتوف، وعايزينا نتقدم؟!
16
5ــ تنافس حر
تنهض الجامعات بالتنافس على تحصيل العلم، وعندنا يتنافس الطلبة إياهم على ضرب الأستاذة والعمداء، منتهى الحرية!
16
6ـ الأرزاق
أساتذة الجامعات وعمداء الكليات متمسكون بالعمل في مواقعهم رغم ما يحدث في الجامعات؛ لأن الرزق يحب الخفية، وبيروحوا بدري!
17
7ــ المرشح المجهول
يحدث في مصر فقط أن ينتخب الشعب مرشحًا لا يعرفون مهنته أو خبرته، ولا يريد صباحي أن يخبرهم بمهنته، وهو أنه ناشط سياسي!
22
حصاوي ( حصاوي يدخل المقهى فيجد المثقف وأمامه رزمة من الصحف والمجلات)
حصاوي: إنت منهمك في إيه دا كله؟
المثقف: أصل المعركة هتبقى مثيرة المرة دي.
حصاوي: تقصد المعركة مع الإرهاب؟
المثقف: أصلك جاهل وغير مثقف.
حصاوي: طب فهّمني بشويش من غير زفارة لسان.. معركة إيه كفى الله الشر؟
المثقف: المعركة الانتخابية يا حصاوي يا ابن الحمار.
حصاوي: برضه؟ إنت بتشوف أفلام عربي الأيام دي؟ ما أنا ممكن أقولك يا أبو عقل تخين.
المثقف ( ضاحكًا ): حتى الشتيمة مش عارف تشتم زي الناس؟
حصاوي: أصل أبويا ما كنش معاه فلوس عشان يدخلني الجامعة.
المثقف: الحمد لله.
حصاوي: وإلا كنت طلعت غلباوي ع الفاضي وقليل التربية زي حضرتك.
المثقف: طب قوم ابعد بعيد عني، مش هقولك على حاجة.
حصاوي: أحسن، يعني هيفوتني إيه؟
المثقف: يفوتك معركة الانتخابات على رئاسة الجمهورية يا فسل.
حصاوي: وهي لسه؟ ما المعركة انتهت خلاص.
المثقف: إنت أكيد بتحشش أو بتاكل داتورة.
حصاوي: أنا برضه ؟
المثقف: أنا عمري ما شميت ريحة المخدرات.
حصاوي: ما أنت مخدر من غير حاجة، وإلا كنت عرفت أن الانتخابات خلصت والنتيجة أعلنت من مدة.
المثقف: هاهاي، دا أنت مش هنا خالص، ومين اللي كسب بقى؟
حصاوي: إنت كل دا ما عرفتش؟ عبد الفتاح السيسي طبعًا، دي مش محتاجة فكاكة.
المثقف: عشان يعني حمدين لسه ما قدمش أوراقه؟ هيقدمها بكرة والعبرة بالصندوق
يا جاهل.
حصاوي: دا فيه جرنان أمريكاني طلع إمبارح بيقول أن السيسي هيكسب الانتخابات من
أول جولة، يعني هياخد أصوات تعدي الخمسين في المية، يعني من غير منافس يعيد معاه.
المثقف: استحالة.
حصاوي: يمكن حمدين بس ما بيقراش الجرايد الأجنبية.
المثقف: وهو يصدق كلام الأجانب ليه؟
حصاوي: لأنهم بالذات كان نفسهم أن السيسي يسقط، وبعدين تعالى قولي: أنت هترشح مين؟
المثقف: قلت لك إني لسه ما خدتش القرار، لما أشوف برنامج كل واحد، بس عجبني تصريح لحمدين بيقول أنه هيلغي قانون التظاهر.
حصاوي: طبعًا؛ لأنه ناوي يعمل مظاهرة كل يوم بعدما يسقط في الانتخابات، وبعدين قولي هو أمريكا والغرب كله ما فيهوش قانون للتظاهر؟
المثقف: وليه ما نكونش إحنا أحسن منهم؟
حصاوي: بأمارة إيه؟ إنكم يا مسقفين بليتونا بالإخوان؟
المثقف: أنا في الانتخابات اللي فاتت ما ادتش صوتي لحد.
حصاوي: لا فالح، ودا بقى بتعتبره نضال ؟ وفيه غ يرك عاملين مسقفين زيك إدوا أصواتهم لمرسي، ورجعوا قالوا إنهم كانوا حمير، تنكر؟
المثقف: أنا ماليش دعوة بحد، يكفي أن المرشح السابق خالد علي قرر أنه ما يرشحش نفسه المرة دي حتى لا تتفتت الأصوات بينه وبين حمدين، ودا منتهى إنكار الذات.
حصاوي: ضحّكتني يا شيخ، بس فيه خبر مش كويس بالنسبة لك.
المثقف: إيه هو؟
حصاوي: أصل الإخوان أعلنوا مقاطعتهم للانتخابات الرئاسية، قولي بقى ساعتها حمدين يتصرف إزاي؟
المثقف: هو أعلن أنه ما لوش علاقة بالإخوان.
حصاوي: بس ما أعلنش أنه ضدهم ومش عايز أصواتهم.
المثقف: المهم ما يبقاش فيه تزوير في الانتخابات؛ لأن حملة حمدين اشتكوا من تعرضهم
لتضييق أمني، وإن فيه فلوس بتدفع لصالح منافسه، دا غير أن الوزراء والمحافظين والمسئولين بيشتغلوا لصالحه من دلوقت.
حصاوي: لو دا صحيح يبقى فيه خوف على السيسي.
المثقف: شفت؟ مش بقولك؟
حصاوي: أصل لو دا حصل فعلا، السيسي ممكن يخسر بعض الأصوات؛ لأن المعروف إن الشعب لا بيحب الوزرا ولا المحافظين ولا المسئولين ولا المسقفين اللي زى حضرتك.
( المثقف يغشى عليه )
لينين الرملي
534
هرش مخ
الأحد 20 أبريل 14
1 ــ إضرابهم بركة
إضراب الأطباء العاملين بوزارة الصحة منذ 8 مارس مستمر للأبد، فحتى إذا مرض أحدهم لا يعالجه زملاؤه بل يذهبون للأطباء اللي بجد!
21
2_ عايز حقي
مليون و92 ألف حالة تعدي على الأراضي منذ ثورة 25 يناير، اشمعنى أنا؟ أنا عايز حقي.
اعملوا لي ثورة كمان!
18
3- أين الحرية ؟
الحكومة تمنع رؤيتنا لصدور الممثلات في الأفلام، فين بقى الحرية اللي بتقولوا عليها يا ظلمة ؟
16
4 ــ مبادئنا
تقوم الجامعات على مبدأ التفكير والبحث العلمي، وعندنا تقوم على مبدأ التكفير والبحث عن المولوتوف، وعايزينا نتقدم؟!
16
5ــ تنافس حر
تنهض الجامعات بالتنافس على تحصيل العلم، وعندنا يتنافس الطلبة إياهم على ضرب الأستاذة والعمداء، منتهى الحرية!
16
6ـ الأرزاق
أساتذة الجامعات وعمداء الكليات متمسكون بالعمل في مواقعهم رغم ما يحدث في الجامعات؛ لأن الرزق يحب الخفية، وبيروحوا بدري!
17
7ــ المرشح المجهول
يحدث في مصر فقط أن ينتخب الشعب مرشحًا لا يعرفون مهنته أو خبرته، ولا يريد صباحي أن يخبرهم بمهنته، وهو أنه ناشط سياسي!
22
