عبر الملحن عمرو مصطفى عن أسفه بسبب تجاهل نسب لحن أغنية "قصاد عيني" للنجم عمرو دياب له، عبر الوصف المكتوب عليها على موقع الفيديوهات "يوتيوب".
وقال عمرو مصطفى عبر حسابه على موقع التواصل الاجتماعي "فيس بوك": "للأسف، في بعض الأعمال الغنائية اغنيه قصاد عيني وبينا معاد اللي اشتغلنا عليها بجهد وإبداع، بتتعرض للظلم بسبب عدم نسب العمل لملحنه الحقيقي الأغنية اللي كل الناس بتحبها، واللي سمعتوها على القنوات والمنصات وما زلت حتي هذه اللحظه ترند ، هي من ألحاني، لكن للأسف تم تجاهل اسمي بشكل متعمد".
وأضاف عمرو: "في ناس بتصوّر نفسها في الستوديو عشان ينسبوا لحن قصاد عيني وهو مش بتاعهم، وده غير مقبول. حقوق الملكية الفكرية بتضمن لكل فنان حقه في الاعتراف بإبداعه ومجهوده، وإحنا مش هنسيب حقوقنا لأي حد يعبث بيها".
واختتم عمرو مصطفى حديثه قائلا: "أنا مش هذكر أسماء لأن الأفعال بتتكلم. حقوقي محفوظة، وأنا هتابع الخطوات القانونية لحماية كل مبدع والاعتراف بكل موهبة بجد، الدعم بتاعكم هو القوة اللي هنسترد بيها حقوقنا كاملة، وقريبا هتنزل بصوتي، خرق واضح للقانون الملكية الفكرية".
عمرو مصطفى طرح مؤخرا أغنية "ليها فيّا" بصوته وهي من ألحانه وكلمات أحمد إبراهيم وتوزيع نادر حمدي، وتقول كلمات الأغنية : كنت وحدي ماشي زي موجة جاية من طريق قسايا واتقابلنا صدفة وكملت معايا.. صدقت غنايا بنيت احلام اعيشها.. معاها وواحشها دنيا دي بعيشها عينك المراية يابا ليها فيا .. فيا.. إيد نجاح خفية فيا.. والدنيا العفية فيا.. فرقتنا ياااا.. عمري ما نسيتها.. عيني ميزتها لو مسكت إيدها ترجعلي الحياة.
