كشفت الفنانة شمس سبب اختفائها عن الأضواء الفترة الماضية، وعن عدم نشرها فيديوهات على تطبيق "تيك توك" أو ظهورها في فيديوهات بث مباشر لتلقى الدعم، كما يفعل عدد من زملائها الفنانين الذين ابتعدوا عن الأضواء.
وقالت شمس خلال مداخلة هاتفية مع برنامج "تفاصيل" من تقديم نهال طايل عبر قناة "صدى البلد": "عندي حساب على تيك توك لكن مش متفاعلة خالص مش عارفة اتأقلم مع الموضوع ده، أول فيديو عملته كان تهريج مع المساعد بتاعي جاب نص مليون مشاهدة".
وتابعت شمس: "محدش في الأزمات والظروف اللي إحنا فيها مش محتاج الدعم اللي الناس بتاخده على تيك توك، العيب فيا أنا مش عارفة أتعامل مع التليفون أنه كاميرا أنا متعودة على الكاميرات والإضاءات، مش حاسه إني هلاقي نفسي".
وعن قلة الأعمال التي تعرض عليها وقالت: "أنا مش ههين نفسي على كبر وأنزل أقول للناس شغلوني، أنا كنت زمان مش بكلم حد مكنتش بكلم أستاذ جلال الشرقاوي ولا أستاذ حسين كمال ولا أستاذ محمد فاضل ولا أستاذ مجدي أبو عميرة، أنا حد كان يكلمني يقولي في دور كذا، أنا مش بجري ورا الدور وإني أكون موجودة من الجلدة للجلدة، أنا لازم الدور يشدني وأحبه".
