أثار الفنان أحمد سعد، جدلًا واسعًا في الساعات القليلة الماضية، حول عودته إلى طليقته عارضة الازياء علياء بسيوني، حيث نشر منشورًا عبر حسابه الرسمي بموقع "إنستجرام"، وعلق قائلًا: "دي بنت ناس وتختلف عن كل الناس".
وتفاعل الجمهور ونجوم الوسط الفني، على هذا المنشور بعدد كبير من التعليقات الإيجابية، حيث قالت الفنانة رانيا محمود ياسين: "ربنا يسعدكم ويحفظكم ويخليكم لبعض من أكتر الحاجات اللي فرحتني"، وأعربت الفنانة عبير صبري عن سعادتها قائلة: "ربنا يسعدكم ويخليكم لبناتكم"، "هي فعلًا بنت ناس، صح كده، الف مبروك".
علياء بسيوني تهنئ أحمد سعد بعيد ميلاده
هنأت مصممة الأزياء علياء بسيوني، أحمد سعد، من خلال منشور لها عبر حسابها الرسمي بموقع "إنستجرام"، حيث نشرت صور له مع ابنته، وعلقت: "اليوم مكانش هيعدي كده، كل سنة وأنت طيب و ألذ واحد في الدنيا، كل سنة وأنت منور حياة كل اللي حواليك وأنا أولهم، وطبعًا كل سنة وأنت أحلى حاجة في حياتنا ومقطعين بعض دايما، مكانش ينفع أعدي اليوم ده من غير ما أقولك أن وجودك أهم حاجة وبيخلي الدنيا أحلى دايمًا، كل سنة وأنت طيب يا حمادة".
أحمد سعد ينفصل عن علياء بسيوني
بدأت العلاقة بين الثنائي الفنان أحمد سعد، ومصممة الأزياء علياء بسيوني من "الجيم"، كان الرابط بينهما المدرب الخاص بهما، في 21 أغسطس لعام 2021، قررت علياء بسيوني أن تبدأ قصة حبهما، واستمر الزواج 3 سنوات وأنجب منها علياء ومريم.
وتغزل سعد في علياء بسيوني قائلًا: "أنا مبسوط معاها جدًا، مش عشان بنخرج ونتفسح ونقضى وقت سعيد، لكن مبسوط معاها لأنها بتخلى بالها من شغلي وتساندني دائمًا، وتخليني مودي حلو وأقدم حاجات حلوة، وزي ما بيتقال وراء كل رجل عظيم امرأة، الناس شايفة إني متغير وبتواصل باستمرار مع جمهوري، وأبعدتني عن المشاكل والأخبار المشمئزة".
لكن تفاجأ الجمهور بخبر إنفصال الثنائي، وأشارت بسيوني عبر حسابها الرسمي بموقع إنستجرام إلى أن قرار الطلاق من أحمد سعد وليس منها.
وقالت: "حابه أشكره على أصله غير الطيب ومعدنه السيئ وقراره اللحظي غير الموفق في خراب بيتنا وتدمير أسرتنا الجميلة، عديت بمواقف مفيش حد في مكاني يقبلها عشان الأسرة دي وعشان المشوار اللي انا ابتديته ومكنتش حابة إنه ينتهي".
وأضافت علياء بسيوني: "شكرًا على المقلب اللي أنا أخدته في العلاقة وكنت فاهمة إن ليها قيمة وببني وبضحي وبتنازل عشانها، وأنت طلعتها ولا تسوى، وربنا ينتقم منك ويديلك على قد كل حاجة حصلت".
