قصص نجاح لأسر من المستفيدين من خدمات الحماية الاجتماعية نجحوا في تنفيذ مشروعات صغيرة مدرة للدخل من أجل الخروج من التداعيات الاقتصادية لكورونا.
- حملة «النظافة صحة وسلامة..احمي نفسك وأسرتك» للتوعية بالعادات السليمة للوقاية من أمراض الشتاء.. وينفذها برنامج «وعي للتنمية المجتمعية»
هالة جمال إبراهيم من كفر شكر القليوبية مستفيدة من برنامج فرصة بالتعاون مع الجمعية المصرية للتوعية والتتنمية الشاملة
موظفة في شركة جي كي تكس الملابس الجاهزة.
قالت هالة كنت بقدم ف التضامن الاجتماعي لقيتهم عاملين لقاء عن برنامج فرصة وازاي انهم عايزين يشغلوا ناس وكلما أستاذة يارا وفهمتني وقدمت معاها الورق وقالتلي هتستني معانا شوية هنقدم الأول ورقك ولو اتقبل هنكلمك ونجيبلك شغل جنب البيت وطبعا الحمدلله وفرولي شغل وعملولنا ندوات كتير لمدة4 أيام اتكلموا معانا فهمونا حاجات كتير اوي مكنتش اعرف يعني اية انترفيو واني اقعد مع حد يعملي انترفيو وازاي اقعد قدام مدير الشغل وابقي واثقة ف نفسي واعرف أتكلم واتعلمت ازاي اعمل cvلنفسي مروحش لحد يعملهولي واتعلمت ازاي اتواصل بطريقة مباشرة وغير مباشرة واتعلمت ازاي اتعامل ف مجموعات مش اتعامل لوحدي واتعلمت ازاي اطلع من مشكلة انا فيها واتلعمت ازاي اعتمد علي نفسي وبعد كدة نزلت الشغل ف المصنع
كان الأول تدريب علي مكن والحمدلله اتعلمت والحمدلله المرتب كويس وبيكفيني الأول كان المرتب1500 ودلوقتي زودوني بقي1800 يعني زدت ف ال5 شهور دول 300جنية وطبعا المدير قال مع الانتظام والحوافز هنزيد اكتر وقالولنا ان بعد فترة كمان هيعملولنا تأمينات قدمت ف تكافل بس متقبلش اترفض والحمدلله الدنيا ماشية وبحاول ابقي بظبط الدنيا انا وزوجي.
وأضافت اه عندي ولد اربع سنين وانا نزلت الشغل عشان الدنيا كانت صعبة انا زوجي بيشتغل ف قهوة ويوميته 80جنية وطبعا ابني مصاريفه كتير البامبرز وكدة ووقت الولادة بردوا كانت الدنيا صعبة اوي ال6000جنية مصاريف ولادة كانوا كتير عليه ف عشان كدة قولت اقدم واشتغل وزي ما تيجي تيجي والحمدلله لقيت حاجة احسن يعني حتي افضل من معاش تكافل انا اعرف انهم بياخد300او400جنية حاجة زي كدة ف لما قابلتهم ف فرصة لا هما احسن كتير طبعا من تكافل تكافل مش هيكفي حاجة ان انا اخر الشهر الاقي 1800جنية اكيد طبعا احسن من400جنية ف عشان كدة خدت خطوة وقولت افهم ف أستاذة يارا قعدت معايا وفهمتني وقالتلي ان في مجالات شغل كتير ومليت معاها الاستمارة واخترت مجال الملابس الجاهزة وقدمت الورق وصورة البطاقة واتصلوا بيا واتقبلت وبدأت بقي وقاعدة حاليا ف الجودة يعني اية جودة يعني لو في فاتلة ناطة او أبرة او حاجة غلط بظبطها مثلا ممكن لو شروال او تيشيرت متخيط مقلوب بيرجع تاني لمكانة اللي جاي منه والمدير الحمدلله قال ان هيبقي في تامينات علينا مع الوقت وكمان مع الانتظام هيبقي في زيادة ف المرتب وكل دة طبعا وصلتله بفضل برنامج فرصة.
يوم الأجازة بأقضية مع ابنى وبيتى وبنتجمع كلنا وممكن نخرج وناكل مع بعض وأزور عيلتي، باحس انى مشتاقة للحياة العائلية لأن طول الأسبوع باشتغل، ، ابنى لسه صغير وماما بتساعدنى إنها بتراعيه ، ولما يكبر شوية هوديه الحضانة، عشان يتعلم ويفهم الدنيا قبل ما يروح المدرسة.
الست اللي بتشتغل بتقدر تودي ابنها الحضانة وتساعده عشان يتعلم ويبقى في مستوى أفضل ، وكمان تراعيه صحيا ، ومع تنظيم الوقت تقدر تحضر له أكله وتتكلم معاه لما ترجع من الشغل .
