أكد الرئيس عبدالفتاح السيسي، أن الدولة المصرية تسعى لإعادة معالجة المياه في مشروعات التوسع الأفقي، قائلا: "عاوزين نطمن على المياه، حيث إن مشروعات الزراعة في شمال ووسط سيناء والدلتا الجديدة يتم إعادة معالجة مياه الصرف الزراعي من خلال محطات معالجة عملاقة".
وأضاف "السيسي" في كلمته خلال افتتاح مجمع مصانع الأسمدة الأزوتية بالعين السخنة: "الناس بتسمع كده بيقولوا المشروعات دي بتتم بمبالغ كبيرة أوي، لكن إحنا معندناش خيار تاني"، موضحًا: "لو كتبنا عنوان صغير زي التنمية الصناعية أو التنمية الزراعية.. ده عنوان صغير وأقوله، لكن تحقيقه وتنفيذه بياخد وقت وجهد وفلوس كتير".
وتابع: "عند افتتاح مجمع الأسمدة الفوسفاتية في مايو الماضي، ناس قالت ليه بتصدروا الفوسفات مادة خام، علشان نعمل ده خدنا 3 سنين، في إنشاء المجمع الأول، وخدنا قرار الأسمدة الأزوتية، جزء من الموضوع إنه كان عندنا غاز ممكن نعمل أسمدة أزوتية، في غاز ممكن نعمل بيه، أنا بقول الكلام لينا كلنا علشان تعرفوا الموضوع ازاي يخرج للنور، لو مش عندنا غاز مش هنعمل المشروع ده".
