أكدت الفنانة داليا البحيري أن النجم عادل إمام قدوة وقامة كبيرة وعلم من أعلام مصر فالناس في الخارج كلها بيعرفوا الأهرامات وأبو الهول وعادل إمام وتشرفت إني وقفت أمامه مرة في السينما في فيلم السفارة في العمارة وده من أحلى الأفلام للزعيم في الفترة الأخيرة وتشرفت أيضًا بالوقوف أمامه فى مسلسل فالنتينو منذ ثلاث سنوات.
وتابعت البحيري قائلة: أنا بعتبر عادل إمام بمثابة أب ليا لأن هو بيتعامل معايا من المنطلق ده وبيتعامل مع كل الشباب من هذا المنطلق وكان مكسبا كبيرا ليا وشرف كبير ليا انتى وقفت أمامه فى عملين وبتمنى له الصحه وطوله العمر ويفضل متربع على عرش الفن ويمتعنا دايما بأعماله الجميلة.
وعن أصعب المشاهد قالت: كان من المشاهد الصعبة والطريفة أيضًا وعادل إمام بيدخل وهو شايلنى ودا كان في بداية ظهوري في الفيلم وانا متشاله على كتف الزعيم دي كانت حاجة عظيمة بالنسبة لي وفى الكواليس كان دايما بيهزر معايا ويعمل إن ظهره وجعه فهذا من أكثر المشاهد الطريفة والصعبة في نفس الوقت.
