غريب أمر هذه الجماعة التى تدعي أنها تتحدث باسم الإسلام منذ أن قام على أمرها الإمام حسن البنا الساعاتى.. يقول مرشدها منذ التأسيس نحن حركة دعوية ولا نطلب إلا شرع الله.. ومن بعدها يقتلون النقراشى باشا.. ويطلع علينا الإمام يقول ليسوا إخوان ولا مسلمين..
ماعلينا احنا ولاد النهارده.. سعادة المرشد العام الدكتور محمد بديع بيقول إن قيادات الجيش فاسدة و“,”محتاجين ضبط وربط“,”.. وبعدين الجيش يقول له فى بيان رسمى احترم نفسك.. يرجع سعادة المرشد في كلامه ويقول إن الإعلام فاسد وهو اللى زور كلامه رغم أنه كاتب الكلام ده في رسالته الأسبوعية على صفحة الإخوان ..
ماعلينا.. خش على جوجل.. ده محرك بحث الدنيا كلها تعرفه شوف يا محمد إن رئاسة مصر بتقول ايه:
الأستاذ ياسر على اللى كان شغاال كمبارس مع زكية زكريا فى الكاميرا الخفية ودلوقت هو المتحدث الرسمى باسم رياسة جمهورية مصر الإخوانية..
2 مليون و640 ألف نفى وتكذيب.. صباح الفل
اللى مش مصدق يروح عند موقع الرياسة
ده مش كلامى ده كلام جوجل
وكمان نقول
الأستاذ الدكتور
هشام قنديل
453000
نفى
لكل التصريحات اللى صدرت عن الرئاسة
خد عندك يا محمد.. المناضل فى سبيل الله خيرت الشاطربيقول إن الثورة عملها الإخوان.. وأن سيادته لن يسمح بسرقة الثورة.. كده وش.. ودون أن يطرف له رمش..
طب ياعم الشاطر انت كنت فين والثوار فى الميدان..
وخد عندك يا محمد مستشار الرئيس محمد مرسى.. الأستاذ الدكتور عصام العريان بيقول نحن نقبل عودة اليهود الى مصر.. وبعدها يطلع المرشد العام ويقول إن فيه مؤامرة أمريكية صهيونية على الدكتور مرسي..
وخد عندك يا محمد, إن المناضل الشاطر اجتمع مع السفيرة الأمريكية ساعتين في مكتبه.. صباح الفل.. وبعدها يقدمون بلاغًا ضد البرادعى وحمدين صباحى أنهم “,”عاملين“,” مؤامرة لخطف الدكتور مرسي وقلب نظام الحكم وتسليمه للأستاذ أحمد شفيق..
وخد عندك يا محمد الأستاذ خيرت الشاطر جايب بودى جارد تم القبض عليه وهو يحمل سلاحا غير مرخص أمام إحدي اللجان الانتخابية في الاستفتاء إياه.. وعلى الفور طلع بيانات وتصريحات تنكر أي علاقة بين العقيد والشاطر.. رغم وجود عشرات الصور اللى تجمع بين العقيد والشاطر وبديع وكمان الريس مرسي.. وشوف يا محمد أهل العقيد قالوا ايه في النيابة: كشف أقارب المتهم، أن جده كان الحارس الشخصي للشيخ حسن البنا مؤسس جماعة الإخوان، وقال محمد العقيد، شقيق أسامة، إن جده الشيخ محمد العقيد اعتقل عام 1943 فى مركز أبوكبير شرقية، أثناء حراسته الشخصية للبنا، واعتقل ثانية بعد عودته من الجهاد في فلسطين، خلال زيارة لمعسكر الإخوان فى العريش.. وأضاف أنه وشقيقه عبدالرحمن وأفراد الأسرة أنشأوا صفحة على موقع التواصل الاجتماعى «فيس بوك» باسم «الحرية لأسامة العقيد»، وكشف أن أفراد العائلة اعتقل منهم الكثير عدة مرات فى عهد الرئيس السابق، بينهم عمه المهندس أبوعبيدة العقيد وابن عمه صفوت رباح العقيد خلال انتخابات 2005 البرلمانية.
طب بلاها “,”شوشو“,” وخد عندك “,”مرسي“,” فى آخر خطاب قال ايه يا محمد.. استقلال القضاء.. وأثناء كلامه كان أتباع حازم أبوإسماعيل محاصرين المحكمة الدستورية العليا !!!
وقبلها الريس مرسي في خطاب آخر بيقول إن التحقيقات مع المقبوض عليهم في أحداث قصر الاتحادية كشفت عن وجود تمويل أجنبى وأن المتهمين اعترفوا.. وفي نفس وقت إلقاء الريس مرسي خطابه تقوم النيابة بإخلاء سبيل كل المقبوض عليهم بمعرفة إخواننا المسلمين .
ويطلع علينا سيادة المرشد العام يقول في بيان على التليفزيون إن كل شهداء الاتحادية من الإخوان المسلمين.. وصور الشهدا وراه, منهم واحد لسه حي يرزق وبيتعالج في المستشفى.. والأغرب أن من بين شهداء الإخوان شهيد “,”قبطى“,”.. وشهيد الصحافة الحسينى أبوضيف المحرر بجريدة “,”الفجر“,” اللى كشف بالصوت والصورة غدر الإخوان المسلمين..
صحيح.. الجماعة “,”لا مؤاخذة“,” تلهيك واللى فيها تجيبه فيك.
