أجرى الرئيس عبدالفتاح السيسي، اليوم السبت، اتصالا هاتفيا بقداسة البابا تواضروس الثاني، بابا الإسكندرية وبطريرك الكرازة المرقسية.
وقالت الصفحة الرسمية للكنيسة القبطية :"اطمأن الرئيس خلال الاتصال على صحة قداسة البابا، حيث طمأن الرئيس وشكره على اهتمامه ومشاعره الطيبة".
وفى السياق نفسه، هنأ الرئيس عبد الفتاح السيسي، البابا تواضروس الثاني بعيد الميلاد المجيد، مقدمًا له باقة ورد، خلال حضوره في كاتدرائية ميلاد المسيح.
وقال الرئيس عبد الفتاح السيسي، مهنئًا الأقباط بعيد الميلاد المجيد:"كل سنة وأنتم طيبين ويارب السنة دي تكون سنة خير وسلام وسعادة وأمن وأمان علينا كلنا مش بس في مصر ولكن في العالم كله".
وتابع:"النهارده مناسبة جميلة وسعيدة وكان المفروض اقول كل سنة وانتو طيبين وأعطي الفرصة لقداسة البابا تواضروس، أوجه كل التقدير والاحترام والاعتزاز للبابا تواضروس وليكم كلكم".
وأضاف:"عايز اقولكم انتوا متعرفوش مدى المحبة والتقدير والاعتزاز اللى أنا اقدر به قداسة البابا تواضروس الثاني، وفي كل مرة أسمع حديث لقداسته او حتى الكتاب اللى صدر عنه قداسته اجد فيه حكمة وبلاغة عظيمة ومش هنسي ابدا حديثه لما قال الأديان تتوافق ومش لازم الأديان تتطابق، وبقول كده لعشان تفضل محبتنا لبعض بدون تمييز ودي لازم تبقى دي متاصلة في نفوسنا، إحنا محتاجين دايما في كل مناسبة نأكد ان احنا واحد مفيش أي شكل من اشكال التفرقة ما بينا لإن لو فيه تفرقة مننجحش ابدا والكلام ده مش بس للأقباط ولكن لينا كلنا كل الشعب واحنا بنحبكم، كل سنة وانتوا طيبين وعيد سعيد عليكم".
وتابع الرئيس: كل عام وشعبنا وبلدنا بخير بمناسبة عيد الميلاد المجيد، تلك المناسبة العطرة التي تجمعنا على حب الوطن وتؤكد أننا على طريق المواطنة سائرون ولن نحيد أبدا عن التعايش الإنساني والإيمان من الأصيل بوحدة الوطن والجماعة الإنسانية.
وأضاف: إنني أدعو في هذه المناسبة لاستلهام المعاني العطرة التي أرساها السيد المسيح عليه السلام من الحب والتسامح والعفو والإحسان، وكل عام وأنتم بكل الخير والسلام، ومصر دائما وأبدا في أمن وأمان.
