طمأن الرئيس عبد الفتاح السيسي، المصريين على أوضاع الدولة المصرية قائلا: "من فضلكم ماتخافوش.. طب ليه متاخفوش الأول؟ أولا لأن ربنا موجود.. ربنا هيسيبنا يعني؟".
وأضاف الرئيس السيسي خلال كلمته من داخل كاتدرائية العاصمة الإدارية الجديدة: "الكلام اللي بقوله مهم جدا علشان أنا شايف وسامع الناس في مصر قلقانة.. واللي يقولك أنا خايف عليها.. وأنا سعيد بخوفك عليها.. ولكن ربنا موجود وهو أعز من الكل وأكبر من الكل".
وتابع : "إحنا كحكومة ودولة حريصين على التعامل مع الأزمة الكبيرة الموجودة في العالم، اللي تأثيراتها ضخمة جدا، والدنيا هتبقى بعد الأزمة الأخيرة مختلفة عن الدنيا اللي شفناها قبل كده، والأزمة الاقتصادية هتأثر في الكل كتير لو الحرب استمرت".
وأكد الرئيس السيسي، سير الأمور بشكل جيد داخل مصر، قائلا: "إحنا الحمد لله ماشيين كويس وإن كنا بنعاني، ولكن مانخفش ومانقلقش وبقول من فضلكم هتلاقوا ناس بتتكلم كلام كتير، واللي بيتكلم مايعرفش.. فيقولك خلي بالك قناة السويس مش عارف هيعملوا فيها ايه وهيبيعوا حاجة.. لو فيه حاجة هعملها هقولكم كلكم".
