قال الرئيس عبد الفتاح السيسي، “أنا كنت براجع امبارح علشان أعمل 200 ألف وحدة سكنية تانيين، لقيت الوحدة تتخطى الـ700 ألف جنيه، يعني الـ200 ألف بـ140 مليار جنيه، ولو عايز أعمل 60 ألف فصل يعني عايز 60 مليار جنيه، ثم أحط معاهم المدارس والطقم الإداري والإشراف.. بكام ومنين”.
وأضاف الرئيس السيسي، خلال افتتاح عددا من المشروعات التنموية بسوهاج، اليوم الخميس، نقلته فضائية “إكسترا نيوز”، “لما ألاقي حلم عند الشباب ممكن يتعمل منه حاجة مقولش ربنا يوفقه.. لا يمكن يجيبلي حاجة، البلد دي موقفها يتغير، وإحنا فى بداية سنة جديدة وكل سنة وانتم طيبين، ولكن دا ميمنعناش كأسرة واحدة إننا نفكر بعض دائما بحجم التحدي وسبب المشكلة، وسببها لا هي فساد حكومة أو نظام إداري ولا تهميش.. لا لا”.
وتابع الرئيس السيسي: “أقولكم حاجة بسيطة، أنا أعرف كويس يعني إيه قرش، وأعرف يعني إيه دولة بفضل الله ممكن تبقى أد الدنيا بيكم، ولكن لازم نكون فاهمين لو إننا مستمرين بالطريقة دي مش هتمشي”.
وافتتح الرئيس عبد الفتاح السيسي، عدد من المشروعات القومية الهامة في محافظة سوهاج، التى يستفيد منها المواطنون فى المحافظة، والمحافظات المحيطة اليوم الخميس، وفقا لما نقله موقع الرئاسة عبر السوشيال ميديا.
وتفقد الرئيس السيسي، قرية أم دومة مركز طما "إحدى قرى حياة كريمة" بمحافظة سوهاج، وتناول الإفطار مع الأهالي واستمع إليهم بينما داعب الأطفال الصغار.
