قالت الإعلامية ياسمين عز عبر برنامجها كلام الناس المذاع على فضائية MBC مصر إن عارضة الأزياء وصديقة اللاعب البرتغالي كرستيانو رونالدو “جورجينا”: “بتخنصر من ورا كريستيانو” وذلك بعدما أهدته سيارة رولز رويس هدية بمناسبة عيد ميلاده.
وقالت عز: جورجينا مش عايزة تتعلم إنها تداري على شمعتها إيه لازمة الشو؟ بقول لها إنتي عايزة تحرجي جوزك يعني؟ وجايبة له عربية غالية وهو مش معبرك ولا عايز يتجوزك؟ وكريستيانو مش سهل ودماغه توزن بلد وفي الآخر الهدايا دي كلها من فلوسه، مش بعيد بعد كام يوم هيقلل مصروف البيت لأنه عرف إنها بتخنصر من وراه لدرجة إنها تحوش وتجيب له عربية زي دي.
وتابعت: وهو كان سايب لها فلوس لمصاريف العيال واسترخصت وجابت لهم أي لبس وجابت عربية ومش مهم لبس العيد، وأنا مش عايزة جورجينا تزعل من كلامي وأنا في صف أي ست بس قبلها في صف الراجل كلنا عارفين دا.
وقالت عز موجهة حديثها إلى جوروجينا: يا جورجينا إنتي غلطتي غلطات كارثية وإحنا بنحاول معاه عشان يتجوزك وإنتي مفيش فايدة وقلنا مليون مرة لازم تقفي انتباه لـ جوزك ومينفعش تدي له ضهرك، وتجري على العربية الجديدة كإنك عمرك مشفتي عربيات مع إنه مركبك عربيات فضائية، تاني كارثة كان فيه بنت واقفة ورا وكان ممكن تخطفه منك وتصبه نظرة إعجاب.
